ព័ត៌មានអន្តរជាតិ

សារព័ត៌មានថៃ រងការព្រមាន ជុំវិញការផ្សាយអំពី ការតវ៉ាប្រឆាំងរដ្ឋាភិបាល ដឹកនាំដោយក្រុមនិស្សិត

បរទេស៖ ជំនួយការអគ្គស្នងការប៉ូលីស ជាតិលោកឧត្តមសេនីយ៍ទោ Jaruwat Waisaya កាលពីថ្ងៃសុក្របានព្រមាន ប្រព័ន្ធផ្សព្វផ្សាយ មិនឱ្យផ្សព្វផ្សាយ ព័ត៌មានមិនពិត អំពីការតវ៉ាប្រឆាំង លទ្ធិប្រជាធិបតេយ្យ ដឹកនាំដោយនិស្សិត ដែលកំពុងបន្តកើតមាន ។

យោងតាមសារព័ត៌មាន Bangkok Post ចេញផ្សាយនៅថ្ងៃទី១៧ ខែតុលា ឆ្នាំ២០២០ បានឱ្យដឹងថា ដោយយោងទៅលើ សេចក្តីប្រកាសកាលពី ថ្ងៃព្រហស្បតិ៍ស្តីពី ការដាក់ប្រទេសស្ថិតក្នុង ស្ថានភាពបន្ទាន់ធ្ងន់ធ្ងរ នៅទីក្រុងបាងកក ដែលហាមឃាត់ អ្នកសារព័ត៌មាន មិនឱ្យផ្សាយព័ត៌មានដែលអាចបង្កឱ្យ មានការភ័យខ្លាចឬមិនស្មោះត្រង់ ចំពោះវិបត្តិនយោបាយ, មន្ត្រីជាន់ខ្ពស់រូបនេះ បាននិយាយថា មន្រ្តីដែលមានការអនុញ្ញាត អាចរឹបអូសឧបករណ៍ ដែលរំលោភច្បាប់ ។

ឧត្តមសេនីយ៍ Jaruwat បានបន្តថា « យើងចង់ស្វែងយល់ជាមួយ ប្រព័ន្ធផ្សព្វផ្សាយ ស្តីពីការរាយការណ៍ អំពីស្ថានភាពបច្ចុប្បន្ន។ ការពិតអាចត្រូវបានរាយការណ៍ ប៉ុន្តែការរាយការណ៍ ព័ត៌មាន ដែលអាចនាំឱ្យមាន អំពើហឹង្សាឬកេណ្ឌមនុស្ស ឲ្យ ចូលរួមក្នុងការប្រមូលផ្តុំ នេះអាចខុសច្បាប់»៕

ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top