ព្រុចសែល៖ អនុប្រធានប្រតិបត្តិគណៈកម្មការអឺរ៉ុបលោក Valdis Dombrovskis បានព្រមានកាលពីថ្ងៃពុធថា ការស្ទុះងើបឡើងវិញនៃសេដ្ឋកិច្ចរបស់សហភាពអ៊ឺរ៉ុប ពីផលប៉ះពាល់នៃជំងឺរាតត្បាត(COVID-១៩) ត្រូវបានគេរំពឹងថានឹងមានល្បឿនយឺតជាងការគិតពីមុន ដោយសារការរីករាលដាលនៃវីរុសនៅក្នុងប្លុកនេះ។
លោក Dombrovskis បានថ្លែងនៅក្នុងសន្និសីទកាសែតបន្ទាប់ពីកិច្ចប្រជុំជាក់ស្តែងរបស់រដ្ឋមន្រ្តីសេដ្ឋកិច្ច និងហិរញ្ញវត្ថុរបស់សហភាពអឺរ៉ុបថា“ ប៉ុន្មានខែខាងមុខនឹងមានការលំបាក សម្រាប់អ្នករាល់គ្នា ដូច្នេះវាសំខាន់ណាស់ ដែលយើងពិភាក្សា និងសម្របសម្រួលគោលនយោបាយរបស់យើង” ។
រដ្ឋមន្រ្តីទាំងអស់បានជួបពិភាក្សាគ្នាអំពីការងើបឡើងវិញនៃសេដ្ឋកិច្ចនៅក្នុងប្លុកនេះ ប្រឆាំងនឹងស្ថានភាពនៃវិធានការរឹតបន្តឹង ដើម្បីទប់ស្កាត់រលកនៃការផ្ទុះឡើងជាលើកទីពីរ។
លោក Dombrovskis បានកត់សម្គាល់ថាគណៈកម្មការនេះ នឹងផ្សព្វផ្សាយការព្យាករសេដ្ឋកិច្ចរដូវស្លឹកឈើជ្រុះរបស់ខ្លួន នៅថ្ងៃព្រហស្បតិ៍នេះ៕ ដោយ ឈូក បូរ៉ា
