Covid-19

ស្រីលង្កា មានអ្នកឆ្លងជំងឺកូវីដ១៩ លើសពី៨ម៉ឺននាក់ហើយ

កូឡុបូ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៣ ខែកុម្ភៈ ឆ្នាំ២០២១ថា ក្រសួងសុខាភិបាល បានបង្ហាញស្ថិតិឲ្យដឹងថា សរុបចំនួនអ្នកឆ្លងជំងឺកូវីដ១៩ នៅក្នុងប្រទេសស្រីលង្កា មានរហូតដល់លើសពី៨០.០០០នាក់ គិតត្រឹមថ្ងៃចន្ទ បន្ទាប់ពីមានអ្នកឆ្លងជំងឺថ្មី ចំនួន៦០០នាក់ ដែលបានរកឃើញ នៅក្នុងអំឡុងថ្ងៃដដែលនេះ ។

តួលេខផ្លូវបានបង្ហាញថា ក្នុងចំណោមអ្នកជំងឺ៨០.២២២នាក់ ដែលបានឆ្លងជំងឺ អ្នកជំងឺចំនួន៧៥.១១០នាក់ បានជាសះស្បើយពីជំងឺ ដោយបានចាកចេញ ពីមន្ទីរពេទ្យវិញហើយ ទន្ទឹមនឹងនេះដែរ ចំនួនអ្នកស្លាប់មាន៤៤៥នាក់ ដែលបានរាយការណ៍ឲ្យដឹង ដោយសារឆ្លងវីរុស ។

ស្រីលង្កា នាពេលបច្ចុប្បន្ននេះ កំពុងតែប្រឈមមុខនឹងរលកទី២ នៃជំងឺកូវីដ១៩ ។ ប្រទេសនេះ ក៏បានបើកកម្មវិធីចាក់វ៉ាក់សាំងការពារជំងឹកូវីដ១៩ បន្ទាប់ពីបានទទួលកម្រិតថ្នាំ ៥០០.០០០កម្រិត ដែលវ៉ាក់សាំងរបស់ក្រុមហ៊ុន Astra Zeneca បានមកដល់ពីប្រទេសឥណ្ឌា កាលពីចុងសប្តាហ៍នៃខែមករា ។

ទន្ទឹមនឹងនេះដែរ កម្រិតថ្នាំដំបូង ដែលបានចាក់បញ្ចូល ដល់ក្រុមការងារនៅសមរភូមិ បានចាប់ផ្តើមមុនសាធារណៈ កាលពីយប់ថ្ងៃចន្ទម្សិលមិញនេះ ៕ ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។

All rights reserved by: DAP News

To Top
×