តេអេរ៉ង់៖ ទីភ្នាក់ងារសារព័ត៌មានផ្លូវការ IRNA បានរាយការណ៍ថា ប្រធានាធិបតីអ៊ីរ៉ង់លោក ហាសាន់ រ៉ូហានី កាលពីថ្ងៃអង្គារ បានជំរុញឱ្យសហរដ្ឋអាមេរិក ដកទណ្ឌកម្ម ដើម្បីជួយសង្គ្រោះ កិច្ចព្រមព្រៀងនុយក្លេអ៊ែរ ដែលត្រូវបានគេស្គាល់ថា ជាផែនការសកម្មភាពរួម (JCPOA) ។
លោករ៉ូហានី បានធ្វើការកត់សម្គាល់ នៅក្នុងការសន្ទនាតាមទូរស័ព្ទ ជាមួយប្រធានាធិបតីបារាំង ក្នុងនោះលោករ៉ូហានី បានលើកឡើងថា“ JCPOA គឺមិនអាចចរចារបាននោះទេ ហើយមធ្យោបាយតែមួយគត់ ដើម្បីការពារ និងធ្វើឱ្យប្រសើរឡើងវិញ គឺដកទណ្ឌកម្ម ដោយសហរដ្ឋអាមេរិក” ។
ការដកថយជាបណ្តើរៗ ពីអ៊ីរ៉ង់ពីកាតព្វកិច្ច នុយក្លេអ៊ែររបស់ខ្លួន គឺដោយសារតែអាមេរិក ដកខ្លួនចេញពីផែនការ សកម្មភាពរួម JCPOA ក៏ដូចជាការអសមត្ថភាពរបស់អង់គ្លេស បារាំង និងអាល្លឺម៉ង់ ក្នុងការបំពេញកាតព្វកិច្ច នុយក្លេអ៊ែររបស់ពួកគេ ភាគីនៃកិច្ចព្រមព្រៀងនេះ ប្រកាន់ខ្ជាប់ ទៅនឹងការអនុវត្តន៍របស់ពួកគេ។
លោកបានលើកឡើងថា ការផ្អាកនាពេលថ្មីៗនេះរបស់អ៊ីរ៉ង់ ចំពោះការអនុវត្តដោយស្ម័គ្រចិត្ត នៃពិធីសារបន្ថែម របស់ទីភ្នាក់ងារថាមពលបរមាណូអន្តរជាតិ (IAEA) គឺស្ថិតនៅក្នុងក្របខ័ណ្ឌនៃច្បាប់ ដែលអនុម័តដោយសភាអ៊ីរ៉ង់។
លោកបានបញ្ជាក់ថា “ក្នុងពេលនេះកិច្ចសហប្រតិបត្តិការ របស់យើងជាមួយ IAEA នៅតែបន្តហើយយើង មិនដែលចាកចេញពី JCPOA ឡើយ”។
គួរបញ្ជាក់ថា នៅថ្ងៃទី ២៣ ខែកុម្ភៈ អ៊ីរ៉ង់បានបញ្ឈប់ ការអនុវត្តវិធានការណ៍ស្ម័គ្រចិត្ត រួមទាំងពិធីសារបន្ថែមរបស់ IAEA ដូចដែលបានគ្រោងទុកនៅក្នុង JCPOA ដែលហួសពីកិច្ចព្រមព្រៀងការពារ៕ ដោយ ៖ ឈូក បូរ៉ា
