ព័ត៌មានអន្តរជាតិ

នាយករដ្ឋមន្ត្រីអង់គ្លេស៖ ដំណើរការសាលារៀនឡើងវិញ ជាជំហ៊ានធ្វើឲ្យគ្រប់យ៉ាង ត្រឡប់មកធម្មតាវិញ

បរទេស៖ នៅថ្ងៃនេះនាយករដ្ឋមន្ត្រីអង់គ្លេសលោក Boris Johnson បាននិយាយថា ការបើកដំណើរការឲ្យសាលារៀន ទាំងឡាយដំណើរការឡើងវិញ ចាប់ពីថ្ងៃចន្ទទី៨ ខែមិនានេះទៅ នឹងក្លាយទៅជាជំហ៊ានដំបូង សម្រាប់ជួយឲ្យជីវិតមនុស្ស ត្រឡប់មកធម្មតាវិញ។

លោក Johnson បានប្រកាសអំពីវិធីនៃការវាស់វែង និងរបៀបនៃការដកបម្រាមរឹតត្បិតឡើងវិញ ដោយក្នុងនោះសាលារៀន ទាំងឡាយនឹងត្រូវបើកឡើងវិញ ជាមុនសិនហើយបន្តបន្ទាប់គឺអាច បើកឲ្យដំណើរការឡើងវិញនូវ ហាងទំនិញនិងទីកន្លែងមិនសូវ មានសារៈសំខាន់ផង។

នៅក្នុងនោះផងដែរគេក៏អាច មើលឃើញដែរផែនការដំណាក់កាលចុងក្រោយ នឹងធ្វើឡើងមិនយូរជាងថ្ងៃទី២១ ខែមិថុនាឡើយដោយ រដ្ឋាភិបាលសង្ឃឹមថា នឹងអាចដកចេញនូវបម្រាម និងការកំណត់របៀបនៃការទំនាក់ទំនងគ្នា រវាងពលរដ្ឋអង់គ្លេស។

សិស្សទាំងឡាយនឹងត្រូវធ្វើការតេស្តចំនួន ២ដងដោយយខ្លួនឯងនៅផ្ទះ ជារៀងរាល់រាល់សប្តាហ៍ ហើយមកដល់ពេលនេះការធ្វើតេស្តប្រមាណ
ជាង៥៧លានដង ហើយត្រូវបានធ្វើឡើងនៅតាមសាលារៀន និងសកលវិទ្យាល័យនានាទូទាំងប្រទេស ៕

ប្រែសម្រួល៖ ស៊ុន លី

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×