Covid-19

ឥណ្ឌូនេស៊ី អនុញ្ញាតិឲ្យប្រើប្រាស់ AstraZeneca ជាបន្ទាន់ក្រោយទទួលបាន វ៉ាក់សាំងនេះ ១លានដូស

បរទេស៖ ប្រទេសឥណ្ឌូនេស៊ីនៅថ្ងៃអង្គារនេះ បានប្រកាសទទួលស្គាល់ និងអនុញ្ញាតិឲ្យប្រើប្រាស់វ៉ាក់សាំង AstraZeneca ក្នុងលក្ខខណ្ឌបន្ទាន់ហើយបន្ទាប់ពី ប្រទេសនេះទើបតែបានទទួល វ៉ាក់សាំងប្រភេទនេះចំនួន ១លានដូសកាលពីមួយថ្ងៃមុន។

សេចក្តីប្រកាសដែលត្រូវបានធ្វើឡើង ដោយភ្នាក់ងារទទួលបន្ទុកកិច្ចការងារ គ្របគ្រងអាហារនិងថ្នាំពេទ្យរបស់ឥណ្ឌូនេស៊ី បានបញ្ជាក់ទៀតថា វ៉ាក់សាំងនេះនឹងត្រូវ ធ្វើការចែកចាយ និងចាក់ជូនពលរដ្ឋរបស់ខ្លួន ដែលមានអាយុចាប់ពី ១៨ឆ្នាំឡើង។ វ៉ាក់សាំងដែលមានចំនួនប្រមាណជា ១.១លានដូស ត្រូវបានគេដឹងថាបានធ្វើដំណើរ មកដល់ប្រទេសកាលពីល្ងាចថ្ងៃចន្ទ គឺជាផ្នែកមួយនៃវ៉ាក់សាំងរបស់កម្មវិធី COVAX។

តាមការបញ្ជាក់របស់ លោករដ្ឋមន្ត្រីក្រសួងការបរទេស Retno Marsudi កាលពីថ្ងៃចន្ទម្សិលមិញនេះ ផងដែរបានឲ្យដឹងថា កញ្ចប់វ៉ាក់សាំង AstraZeneca សរុប
ចំនួន១១,៧លានដូស នឹងត្រូវបញ្ចូនមកដល់ប្រទេសឥណ្ឌូនេស៊ី ជាផ្នែកៗរហូតដល់ខែឧសភា។

គួរឲ្យដឹងដែរថា វ៉ាក់សាំងរបស់ចិន Sinovac ចំនួន៣៨លានដូស រួចមកហើយដែលបានដឹកជញ្ជូន មកដល់ប្រទេសដែលមានពលរដ្ឋសរុបដល់ទៅ ២៧០លាននាក់មួយនេះ
ហើយវាត្រូវបានចាប់ផ្តើមដំណើរការ ចាក់តាំងតែពីខែមករាមកម្ល៉េះ ៕

ប្រែសម្រួល៖ ស៊ុន លី

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×