ឡុងដ៏៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២០ ខែមីនា ឆ្នាំ២០២១ថា មជ្ឈមណ្ឌលតាមដានស្ថានភាពកូវីដ១៩បានចេញរបាយការណ៍មួយឲ្យដឹងថា ប្រទេសថៃឡង់ដ៏ បានបញ្ជាក់ថា មានករណីថ្មីនៃជំងឺកូវីដ១៩ចំនួន១១៩នាក់ ភាគច្រើនជាអ្នកឆ្លងក្នុងស្រុក គិតត្រឹមថ្ងៃសៅរ៍នេះ ។
មជ្ឈមណ្ឌលបានដាក់ក្នុងរបាយការណ៍ថា ករណីថ្មីគិតត្រឹមថ្ងៃសៅរ៍នេះ អ្នកឆ្លងក្នុងស្រុកគឺមានចំនួន១១២នាក់ និង០៧នាក់ផ្សេងទៀត ជាអ្នកឆ្លងជំងឺនាំចូលពីខាងក្រៅ ។
របាយការណ៍បានដាក់ថា ក្នុងចំណោមអ្នកឆ្លងជំងឺក្នុងស្រុក គឺមាន៣៨នាក់ត្រូវបានគេបញ្ជាក់ថា ជាអ្នកស្រុករស់នៅក្រុងបាងកក ហើយ៣៨នាក់ នៅខេត្ត សាមុត សាខន និង១៥នាក់ទៀតនៅខេត្ត សាមុត ប្រាកាន ។
ប្រទេសថៃឡង់ដ៏ បានបញ្ជាក់ថា សរុបអ្នកឆ្លងជំងឺគឺមានចំនួន២៧.៧១៣នាក់ ហើយ២៤.៧៤៥នាក់ ជាអ្នកដែលបានរាយការណ៍ថា ឆ្លងជំងឺក្នុងស្រុក ទន្ទឹមនឹងនេះដែរ ចំនួន២.៩៦៨នាក់ផ្សេងទៀត គឺជាអ្នកដែលវិលត្រឡប់ពីបរទេស និងបានធ្វើតេស្តមានវិជ្ជមាន នៅក្នុងប្រទេសនេះ ។
អ្នកជំងឺចំនួន២៦.៥១២នាក់ បានជាសះស្បើយពីជំងឺ និងបានចាកចេញពីមន្ទីរពេទ្យវិញហើយ ទន្ទឹមនឹងនេះដែរ បច្ចុប្បន្ននេះ មានអ្នកជំងឺនៅកំពុងសម្រាកព្យាបាលគឺចំនួន១.១១១នាក់ និងមានអ្នកស្លាប់៩០នាក់ដែលត្រូវបានគេរាយការណ៍ឲ្យដឹង ៕
ប្រែសម្រួលដោយ៖ ម៉ៅ បុប្ផាមករា
