ព័ត៌មានអន្តរជាតិ

លោក Putin ចាក់វ៉ាក់សាំង ដោយមិនមានការ ចាក់ផ្សាយ តាមប្រព័ន្ធ ផ្សព្វផ្សាយឡើយ

បរទេស ៖ ប្រធានាធិបតីរុស្សីលោក Vladimir Putin នៅថ្ងៃអង្គារនេះ ត្រូវបាន CNA ចេញផ្សាយថានឹងត្រូវទទួលបាន វ៉ាក់សាំងរបស់ខ្លួន ជាលើកដំបូង ហើយប៉ុន្តែនឹង មិនមានការចាក់ផ្សាយ បន្តផ្ទាល់ណាមួយឡើយអំពីព្រឹត្តិការណ៍នេះ ។

ឆ្លើយតបទៅនឹងសំណើថា តើវិមានក្រមឡាំង នឹងធ្វើការបង្ហាញរូបថត ឬវិដេអូណាមួយនៅពេល ដែលលោកប្រធានាធិបតីរុស្សីរូបនេះចាក់វ៉ាក់សាំង ឬអត់នោះលោក Dmitry Peskov អ្នកនាំពាក្យផ្ទាល់ របស់លោក Putin បាននិយាយថា៖នៅពេលដែលនិយាយអំពីបញ្ហា ចាក់វ៉ាក់សាំង ហើយបង្ហាញតាមកញ្ចក់ ទូរទស្សន៍ម្តងៗលោក Putin មិនដែលគាំទ្រទៅដល់គំនិត
នោះឡើយហើយគាត់មិនចូលចិត្តធ្វើបែបនេះផង។

លោក Peskov ក៏មិនបានបញ្ជាក់ដែរថា តើលោក Putin នឹងត្រូវចាក់វ៉ាក់សាំងនៅទីណាឬនៅការិយាល័យ របស់លោកនោះដែរប៉ុន្តែគ្រាន់តែបានបញ្ជាក់ថា ការចាក់វ៉ាក់សាំង ជូនលោក Putin នឹងធ្វើឡើងតាមធម្មតា ដូចមនុស្សផ្សេងទៀត ពោលគឺទៅតាមពេលវេលា
ដែលគាត់ទំនេរពីការងារ ឬដែលគាត់ចង់បានប៉ុណ្ណោះ។

ផ្ទាំងពាណិជ្ជកម្ម

គួរឲ្យដឹងដែរថាមុននេះ មួយថ្ងៃលោក Putin បានប្រកាសថា លោកនឹងធ្វើការចាក់វ៉ាក់សាំង នៅក្នុងពេលកិច្ចប្រជុំមួយ របស់រដ្ឋាភិបាលហើយការប្រកាសនេះ ត្រូវបានធ្វើឡើងនៅក្រោយ ប៉ុន្មានខែដែលរុស្សីបានចាប់ ផ្តើមដំណើរការចាក់ វ៉ាក់សាំងជូនពលរដ្ឋ របស់ខ្លួនកន្លងមក៕

ប្រែសម្រួល៖ស៊ុនលី

To Top