ព័ត៌មានអន្តរជាតិ

ករណីឆ្លងថ្មីនៃជំងឺកូវីដ-១៩ នៅប្រេស៊ីល កើនឡើងដល់ជាង ១៣លាននាក់ និងស្លាប់ជាង ១៣ម៉ឺននាក់

រីយ៉ូ ៖ ក្រសួងសុខាភិបាលប្រេស៊ីល បានឲ្យដឹងថាប្រទេសប្រេស៊ីល បានរាយការណ៍ពីករណីឆ្លងថ្មី នៃជំងឺកូវីដ-១៩ ចំនួន ២៨,៦៤៥ នាក់ និងការស្លាប់ ១,៣១៩នាក់ ក្នុងរយៈពេល ២៤ ម៉ោងកន្លងមកនេះ ដែលករណីឆ្លងកើនឡើងដល់ ១៣,០១៣,៦០១ នាក់ និងចំនួនអ្នកស្លាប់ជាតិកើនដល់ ៣៣២,៧៥២ នាក់

ប្រទេសអាមេរិកខាងត្បូងមួយនេះ គឺជាប្រទេសមួយក្នុងចំណោម ចំណុចកណ្តាល នៃជំងឺរាតត្បាតកូវីដ-១៩ ដែលទទួលរងនូវការផ្ទុះឡើង ដ៏អាក្រក់បំផុតលំដាប់ទី ២ នៅលើពិភពលោក ទាំងការស្លាប់ និងការឆ្លងរោគ បន្ទាប់ពីសហរដ្ឋអាមេរិកប៉ុណ្ណោះ។

កាលពីសប្តាហ៍មុនមូលនិធិ Oswaldo Cruz ដែលជាស្ថាប័ន សុខាភិបាលវិទ្យាសាស្ត្រ និងបច្ចេកវិទ្យា លេចធ្លោជាងគេ នៅអាមេរិកឡាទីនដែលភ្ជាប់នឹងក្រសួងសុខាភិបាលប្រេស៊ីល បានព្រមានថា មន្ទីរពេទ្យនៅតាមតំបន់ភាគច្រើន នៃប្រទេសនេះ ស្ថិតក្នុងស្ថានភាពធ្ងន់ធ្ងរ ដោយសារការឆ្លងរាលដាលនៃជំងឺកូវីដ- ១៩ ដោយមានតម្រូវការគ្រែ សម្រាកលើសពី ៩០ ភាគរយ ។

ប្រទេសប្រេស៊ីល បានចាប់ផ្តើមដំណើរការចាក់វ៉ាក់សាំង របស់ខ្លួននៅថ្ងៃទី១៧ ខែមករា ហើយរហូតមកដល់ពេលនេះបានស្រូបយកមនុស្សចំនួន ១៩,៤៧៤,៨២៦ នាក់ដែលមានកម្រិតយ៉ាងហោចណាស់មួយដូស ខណៈពេលដែលមនុស្សចំនួន ៥,៣៨៩,២១១ នាក់ បានទទួលដូសទាំងពីរ៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top