ព័ត៌មានអន្តរជាតិ

លោក ស៊ី ជីនពីង ជំរុញឲ្យអាល្លឺម៉ង់ និងអឺរ៉ុប រួមដៃគ្នាជាមួយចិន ដើម្បីនាំមកនូវស្ថេរភាពពិភពលោក (Video)

ប៉េកាំង៖ ប្រធានាធិបតីចិនលោក ស៊ី ជីនពីង នៅថ្ងៃពុធនេះ បានជំរុញឱ្យប្រទេសអាល្លឺម៉ង់ និងសហភាពអឺរ៉ុប (EU) ប្រឹងប្រែងរួមគ្នាជាមួយប្រទេសចិន ដើម្បីការពារ និងលើកកម្ពស់ការអភិវឌ្ឍ​ប្រកបដោយសុវត្ថិភាព និងស្ថេរភាពនៃ ​កិច្ចសហប្រតិបត្តិការរបស់ពួកគេ ដើម្បីនាំមកនូវភាពប្រាកដប្រជា និងស្ថេរភាពបន្ថែមទៀតដល់ពិភពលោក ដែលងាយនឹងបង្កជាហេតុមួយនេះ។

ប្រមុខរ្ដឋចិនលោក ស៊ី ជីនពីង បានសង្កត់ធ្ងន់ថាលោក និងអធិការបតីអាល្លឺម៉ង់លោកស្រី Merkel បានប្រាស្រ័យទាក់ទងគ្នា​ជាច្រើនដងកាលពីឆ្នាំមុន ដែលបានដើរតួនាទីយ៉ាងសំខាន់​ក្នុងការអភិវឌ្ឍទំនាក់ទំនងចិន – អាល្លឺម៉ង់ និងចិន – អឺរ៉ុប។

នៅក្នុងនោះដែរលោកបានលើកឡើងថា ការពង្រឹងកិច្ចសហប្រតិបត្តិការចិន – អាល្លឺម៉ង់ និងចិន – អឺរ៉ុប អាចផ្តល់នូវលទ្ធផល​ដ៏សំខាន់សម្រាប់ពិភពលោក ដោយមានសារៈសំខាន់ជាច្រើន។

មេដឹកនាំកំពូលចិនរូបនេះ បានធ្វើការកត់សម្គាល់នៅក្នុងកិច្ចសន្ទនា​តាមទូរស័ព្ទជាមួយអធិការបតីអាល្លឺម៉ង់ ដោយបានជំរុញឲ្យអាល្លឺម៉ង់ និងអឺរ៉ុប រួមដៃគ្នាជាមួយចិន ដើម្បីនាំមកនូវភាពប្រាកដប្រជា និងស្ថេរភាពរបស់ពិភពលោក​៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top