ព័ត៌មានអន្តរជាតិ

មន្ទីរបញ្ចកោណ ឃ្លាំមើលសកម្មភាព យោធារុស្ស៊ី នៅអាក់ទិក

បរទេស ៖ មន្ទីរបញ្ចកោណ នៅពេលថ្មីៗនេះ តាមសេចក្តីរាយការណ៍ បាននិយាយថា ខ្លួនដឹងពីសកម្មភាពយោធារបស់ប្រទេសរុស្ស៊ី នៅក្នុងតំបន់អាក់ទិក និងថា ខ្លួនបានប្តេជ្ញាថា នឹងការពារផលប្រយោជន៍ សហរដ្ឋអាមេរិក នៅក្នុងតំបន់នោះ ។

នៅក្នុងអំឡុងសន្និសីទកាសែតមួយ លេខាធិការព័ត៌មាន ក្រសួងការពារជាតិអាមេរិក លោក John F. Kirby បានមានប្រសាសន៍ យ៉ាងដូច្នេះថា “ដោយមិនធ្វើការវាយតម្លៃ ផ្នែកស៊ើបការណ៍សម្ងាត់ ជាក់លាក់នៅឡើយនោះ ប្រាកដណាស់ យើងកំពុងតែធ្វើការឃ្លាំមើល វាយ៉ាងយកចិត្តទុកដាក់។ ជាជាក់ស្តែង គ្មានអ្នកណាម្នាក់ចង់ឃើញតំបន់អាក់ទិក កា្លយជាតំបន់យោធានោះទេ” ។

លោក John F. Kirby បាននិយាយប្រាប់ អ្នកសារព័ត៌មានថា មន្ទីរបញ្ចកោណទទួលស្គាល់តំបន់នោះថា ជាភូមិសាស្ត្រដ៏សំខាន់ គឺសំខាន់ចំពោះកិច្ចការពាររបស់អាមេរិក និងជាច្រករបៀងមួយ នៅចន្លោះឥណ្ឌូ-ប៉ាស៊ីហ្វិក អឺរ៉ុបនិងសហរដ្ឋអាមេរិក ។

គួរបញ្ជាក់ថា សេចក្តីថ្លែងការណ៍នេះ គឺត្រូវបានធ្វើឡើង ក្រោយមួយថ្ងៃបន្ទាប់ពីទីភ្នាក់ងារ សារព័ត៌មាន CNN រាយការណ៍ លើរូបភាពផ្កាយរណបពីក្រុមហ៊ុន បច្ចេកវិទ្យាលំហអាកាស Maxar ដែលចងក្រងនូវពីការបង្កើនសម្ភារៈយោធា និងការធ្វើតេស្តអាវុធរបស់រុស្ស៊ី រួមមានទាំងគ្រាប់បែកបុក Poseidon 2M39 នៅក្នុងតំបន់អាក់ទិក ៕ ប្រែសម្រួល៖ប៉ាង កុង

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×