ព័ត៌មានអន្តរជាតិ

ត្រឹម ២៤ម៉ោង ប្រេស៊ីល មានអ្នកស្លាប់ ដោយសារជំងឺកូវីដ-១៩ រហូតដល់ជិត ៤ពាន់នាក់ ករណីស្លាប់សរុបជិត ៣៥ម៉ឺននាក់

រីយ៉ូ ៖ ក្រសួងសុខាភិបាលប្រេស៊ីល បានឲ្យដឹងថា ប្រទេសប្រេស៊ីល បានរាយការណ៍ពី ការឆ្លងចំនួន ៩៣,៣១៧ នាក់ និងការស្លាប់ចំនួន ៣,៦៩៣ នាក់ដោយសារជំងឺកូវីដ -១៩ ក្នុងរយៈពេល ២៤ ម៉ោងចុងក្រោយនេះ ដែលធ្វើឱ្យកម្ពស់ នៃការស្លាប់ថ្នាក់ជាតិកើនឡើង ដល់ ៣៤៨,៧១៨ និងឆ្លង ១៣,៣៧៣,១៧៤ករណី ។

មន្ទីរពេទ្យនៅរដ្ឋចំនួន ១៩ និងរដ្ឋធានី Brasilia កំពុងដួលរលំ ក្រោមទម្ងន់ នៃការឆ្លងជំងឺ ដែលកើនឡើង ដោយសារតែជាង ៩០ ភាគរយ នៃគ្រែថែទាំអ្នកជំងឺ ដែលពឹងផ្អែកខ្លាំងត្រូវបានពេញ ទៅដោយអ្នកជំងឺកូវីដ-១៩ទៅហើយ។

យោងតាមការចុះផ្សាយ របស់ទីភ្នាក់ងារសារព័ត៌មានចិន ស៊ិនហួ បានឲ្យដឹងថា ចំនួនអ្នកស្លាប់ជាមធ្យមប្រចាំថ្ងៃ របស់ប្រទេស ក្នុងរយៈពេល ៧ ថ្ងៃចុងក្រោយនេះបានកើនឡើងដល់ ២,៩៣០ នាក់ ដែលជាចំនួនខ្ពស់បំផុត នៅលើពិភពលោក ។

គួរបញ្ជាក់ថា រហូតមកដល់ពេលនេះ ប្រព័ន្ធចាក់វ៉ាក់សាំងរបស់ប្រទេស ប្រេស៊ីល បានចាក់វ៉ាក់សាំងលើពលរដ្ឋ របស់ខ្លួនចំនួន ២២,១៧០,១០៨ នាក់ឬ ១០,៤៧ ភាគរយ នៃចំនួនប្រជាជនសរុប ៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top