ព័ត៌មានអន្តរជាតិ

សេតវិមាន អះអាងថាអាមេរិក មិនពាក់ព័ន្ធ នឹងការវាយប្រហារ នាពេលថ្មីៗនេះ លើទីតាំងនុយក្លេអ៊ែរ អ៊ីរ៉ង់នោះឡើយ

វ៉ាស៊ីនតោន៖ សេតវិមានបានអះអាងថា សហរដ្ឋអាមេរិក មិនបានចូលរួម ក្នុងការវាយប្រហារថ្មីៗនេះ ទៅលើទីតាំងនុយក្លេអ៊ែរអ៊ីរ៉ង់នោះទេ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួ ។

លេខាធិការនៃសេតវិមាន លោកស្រី Jen Psaki បានថ្លែងថា “ជាការពិតយើងបានឃើញរបាយការណ៍ នៃឧប្បត្តិហេតុនៅឯរោងចក្រ ចម្រាញ់ប្រេង Natanz ។ សហរដ្ឋអាមេរិក មិនបានពាក់ព័ន្ធក្នុងលក្ខណៈណា មួយនោះទេ”។

លោកស្រី Psaki បានលើកឡើងថា សហរដ្ឋអាមេរិក ផ្តោតលើការពិភាក្សា ដែលបានគ្រោងធ្វើនៅថ្ងៃពុធនេះ នៅទីក្រុងវីយែន ដើម្បីធ្វើឱ្យកិច្ចព្រមព្រៀងនុយក្លេអ៊ែរអ៊ីរ៉ង់ ត្រូវបានគេស្គាល់ជាផ្លូវការថាជាផែនការសកម្មភាពរួម (JCPOA) មានដំណើរការឡើងវិញ។

លោកស្រីបន្ដថា“ យើងរំពឹងថា ពួកគេនឹង មានការលំបាក និងយូរអង្វែង យើងមិនត្រូវបានគេផ្តល់ការបង្ហាញណា មួយអំពីការផ្លាស់ប្តូរការចូលរួមសម្រាប់ កិច្ចពិភាក្សាទាំងនេះទេ”។

ផ្ទាំងពាណិជ្ជកម្ម

រដ្ឋមន្រ្តីការពារជាតិ សហរដ្ឋអាមេរិក លោក Lloyd Austin នៅថ្ងៃដដែលនោះ បានប្រាប់ក្រុមអ្នកយកព័ត៌មាន ដែលធ្វើដំណើរជាមួយលោក ទៅកាន់ប្រទេសអ៊ីស្រាអែលថា លោកគាំទ្រ យ៉ាងខ្លាំង ចំពោះកិច្ចខិតខំប្រឹងប្រែង របស់សហរដ្ឋអាមេរិក ក្នុងការចូលរួមជាមួយអ៊ីរ៉ង់ ក្នុងវិស័យការទូតលើ JCPOA ដោយលើកឡើងថា កិច្ចប្រឹងប្រែងទាំងនេះ នឹងបន្តទៅមុខទៀត។

អង្គការថាមពលបរមាណូអ៊ីរ៉ង់ (AEOI) បានឲ្យដឹងកាលពីថ្ងៃអាទិត្យ ថា គ្រោះថ្នាក់មួយបានកើតឡើង នៅក្នុងផ្នែកមួយនៃបណ្តាញ ចែកចាយអគ្គិសនី នៃរោងចក្រនុយក្លេអ៊ែរ Natanz នៅពេលព្រឹក។ ប្រមុខ AEOI លោក Ali Akbar Saleh បានពិពណ៌នាអំពីឧប្បត្តិហេតុនេះថា ជាសកម្មភាពនៃ“ ភេរវកម្មនុយក្លេអ៊ែរ” ។

ទីភ្នាក់ងារសារព័ត៌មានផ្លូវការ IRNA បានរាយការណ៍ថា រដ្ឋមន្ត្រីការបរទេសអ៊ីរ៉ង់ លោក Mohammad Javad Zarif កាលពីថ្ងៃច័ន្ទបាន ស្តីបន្ទោសអ៊ីស្រាអែល ចំពោះឧប្បត្តិហេតុនៅ Natanz និងបានសងសឹកអ៊ីស្រាអែល វិញផងដែរ៕

ដោយ ឈូក បូរ៉ា

To Top