បរទេស៖ ការរីករាលដាលនៃវីរុសកូវីដ១៩ បានធ្វើឱ្យយើងភ្ញាក់ផ្អើលហើយល្បឿនដែលវាបានរាលដាលពាសពេញពិភពលោកគឺគួរឱ្យព្រួយបារម្ភ។ ពិតជាច្រើនណាស់ ប៉ុន្តែវាស្ទើរតែពិបាកនឹងជឿថា មានប្រទេសមួយចំនួននៅតែមិនទាន់មានករណីរាយការណ៍អំពីការឆ្លងជំងឺកូវីដ១៩ នៅឡើយនោះទេ រហូតដល់ពេលនេះ ។
យោងតាមវែបសាយឈ្មោះ Koryo ចេញផ្សាយកាលពីថ្ងៃទី១១ ខែមេសា ឆ្នាំ២០២១ បានឱ្យដឹងថា អង្គការសហប្រជាជាតិទទួលស្គាល់ជាផ្លូវការនូវប្រទេសចំនួន ១៩៣ ដែលបានឆ្លងវីរុសកូវីដ១៩នេះ។
គិតត្រឹមថ្ងៃទី ១១ ខែមេសាឆ្នាំ ២០២១ គឺមានតែប្រទេសចំនួន ៧ ប៉ុណ្ណោះដែលមិនបានបញ្ជាក់ពីករណីឆ្លងវីរុសនេះ ភាគច្រើននៃប្រទេសទាំងនេះ ស្ថិតនៅកោះ ប៉ាស៊ីហ្វិក នៃទ្វីង អូសេអានី។ ខាងក្រោមនេះជាតារាងនៃប្រទេសដែលគ្មានមេរោគឆ្លងដែលបច្ចុប្បន្នបានប្រកាសថាគ្មានករណីនៃជំងឺកូវីដ១៩។
ទី១. ប្រទេស កូរ៉េខាងជើង, ទី២. ប្រទេស តួកម៉េនីស្ថាន, ទី៣. កោះ គីរីបាទី, ទី៤. តុងហ្គា, ទី៥. កោះ Palau, ទី៦ កោះ ទូវ៉ាលូ និងទី៧ កោះ ណូរូ។
គិតត្រឹមថ្ងៃទី ១១ ខែមេសា ឆ្នាំ២០២១ បណ្តាប្រទេសទាំងនេះ ពុំមានករណីរាយការណ៍អំពីមេរោគកូរ៉ូណានោះទេ។
ដូច្នេះតើប្រទេសទាំងនេះគ្រប់គ្រងយ៉ាងម៉េចដើម្បីកុំអោយមានករណីឆ្លងវីរុសដែលបានប៉ះពាល់ដល់មនុស្សច្រើនលាននាក់នៅលើពិភពលោក?
ទី១. ប្រទេសកូរ៉េខាងជើង (ចំនួនប្រជាជន៖ ២៥ ៧៧៨ ៨១៦នាក់)
បច្ចុប្បន្នភាព៖ ប្រទេសកូរ៉េខាងជើងបានរាយការណ៍អំពីករណីសង្ស័យជំងឺកូវីដ១៩ លើកទី១ កាលពីថ្ងៃទី ២៦ ខែកក្កដា។ តំបន់ខាងត្បូង Kaesong បានស្ថិតក្នុងស្ថានភាពប្រកាសអាសន្ន។ បន្ទាប់មកវាត្រូវបានគេបញ្ជាក់ថានេះមិនមែនជាករណីជំងឺឆ្លងទេ។ ប្រទេសកូរ៉េខាងជើងគឺជាប្រទេសដំបូងគេដែលបានបិទព្រំដែនរបស់ខ្លួន។
ក្នុងនាមជាប្រទេសជិតខាងរបស់ប្រទេសចិន ប្រទេសនេះបានបិទព្រំដែនរបស់ខ្លួននៅថ្ងៃទី ២១ ខែមករា ហើយមិនបានបើកដំណើរការឡើងវិញទេចាប់តាំងពីពេលនោះមក។ បន្ទាប់មក កូរ៉េខាងជើងបានអនុវត្តវិធានការតឹងរឹងសម្រាប់អ្នកដែលចូលមកក្នុងប្រទេសសម្រាប់ជនបរទេសនិងជនជាតិកូរ៉េខាងជើងផ្ទាល់ រួមទាំងការដាក់ឱ្យធ្វើចត្តាឡីស័ករយៈពេលមួយខែឬពីរខែ។
ខណៈដែលអាជ្ញាធរកូរ៉េខាងជើងរាយការណ៍ពីករណីសូន្យ មនុស្សម្នាក់អាចឆ្ងល់ថាតើប្រទេសជិតខាងជិតបំផុតរបស់ចិនមួយនេះ អាចគេចផុតពីការឆ្លងវីរុសនេះដោយរបៀបណា?
ទី២. ប្រទេស តួកម៉េនីស្ថាន (ប្រជាជន៖ ៦ ០៣១ ២០០ នាក់)
ប្រទេស តួកម៉េនីស្ថាន គឺជាប្រទេសមួយនៅអាស៊ីកណ្តាលដែលមានព្រំប្រទល់ជាប់ប្រទេសកាហ្សាក់ស្ថាន ប្រទេសអ៊ូសបេគីស្ថាន តាហ្ស៊ីគីស្ថាន អ៊ីរ៉ង់ និង ប្រទេស អាហ្វហ្គានីស្ថាន។ បណ្តាប្រទេសទាំងនោះសុទ្ធតែបានរាយការណ៍អំពីករណីឆ្លងវីរុសកូវីដ១៩, ព្រំដែនគោកភាគច្រើនត្រូវបានបិទកាលពីជាងមួយខែមុន ហើយនៅដើមខែកុម្ភៈ ប្រទេស តួកម៉េនីស្ថាន បានលុបចោលជើងហោះហើរជាច្រើន ហើយរាល់ជើងហោះហើរទាំងអស់ទៅនិងមកពីចិន។
មានពាក្យចចាមអារាមថា របាយការណ៍ផ្លូវការប្រហែលជាមិនត្រូវគ្នានឹងសេចក្តីថ្លែងការណ៍ផ្លូវការទេ ហើយវាក៏ត្រូវបាននាំឱ្យមានការចាប់អារម្មណ៍ពីប្រព័ន្ធផ្សព្វផ្សាយដែលថា ប្រទេសនេះបានចោទប្រកាន់ថា បានហាមឃាត់ប្រើពាក្យ វីរុសកូរ៉ូណា ទោះបីជាវាមិនពិតក៏ដោយ។
ទី៣. កោះ គីរីបាទី (ប្រជាជន៖ ១១៩ ៤៥១នាក់)
មិនមានករណីណាមួយនៅក្នុងកោះគីរីបាទីទេ ប៉ុន្តែការប្រកាសអាសន្នជាសាធារណៈរបស់រដ្ឋត្រូវបានប្រកាស។ ចាប់ពីថ្ងៃទី ៣០ ខែមីនា សាលាបានបិទរយៈពេល ២ សប្តាហ៍។
ទី៤. កោះ តុងហ្គា (ប្រជាជន៖ ១០៥ ៦៩៥នាក់)
កោះតុងហ្គាមានភាពតឹងរឹង នឹងច្បាប់ធ្វើដំណើរចាប់តាំងពីខែកុម្ភៈ។
ចាប់តាំងពីមានរបាយការណ៍អំពីជំងឺឆ្លងវីរុសនេះដំបូងបង្អស់របស់ប្រទេសហ្វីជី, តុងហ្គា បានបិទព្រំដែនរបស់ខ្លួនទៅជនបរទេសហើយអនុញ្ញាតឱ្យជនបរទេសចាកចេញតែប៉ុណ្ណោះដែលកំពុងធ្វើដំណើរត្រឡប់មកវិញតាមជើងហោះហើរទៅកាន់ប្រទេសរបស់ពួកគេ។ គិតត្រឹមថ្ងៃទី ២៩ ខែមីនា តុងហ្គាកំពុងស្ថិតក្នុងសភាពបិទប្រទេស ។
តុងហ្គាបានចាប់ផ្តើមជើងហោះហើរធ្វើមាតុភូមិនិវត្តន៍សម្រាប់ជនជាតិតុងហ្កានៅពាក់កណ្តាលខែកក្កដា ត្រឡប់មកពីប្រទេសហ្វីជី។ ការហោះហើរត្រូវបានកំណត់ត្រឹមតិចជាង ៦០ នាក់ដែលពួកគេទាំងអស់ ត្រូវធ្វើចត្តាឡីស័កនៅសណ្ឋាគារតែមួយក្នុងទីក្រុង។ សណ្ឋាគារនេះត្រូវបានការពារដោយប៉ូលីសយ៉ាងតឹងរឹងហើយផ្លូវដែលវាត្រូវបានបិទ។
ទី៥. ប្រទេស Paulu (ប្រជាជន: ១៨ ០៩៤នាក់)
កាលពីពេលថ្មីៗនេះមានមនុស្សម្នាក់ស្ថិតនៅក្រោមការស៊ើបអង្កេតចំពោះការឆ្លងវីរុសនេះ បន្ទាប់ពីគាត់បានធ្វើដំណើរពីកោះ Guam ហើយយ៉ាងណាក៏ដោយគាត់បានធ្វើតេស្តអវិជ្ជមាន។ បច្ចុប្បន្ននេះមិនមានករណីឆ្លងវីរុសវីរុសនៅ Palau ទេ។
ទី៦. កោះ ទូវ៉ាលូ (ប្រជាជន: ១១ ៧៩៣នាក់)
ដែលត្រូវបានគេស្គាល់ថាជាប្រទេសមួយក្នុងចំណោមប្រទេសដែលមានភ្ញៀវទេសចរតិចបំផុតនៅលើពិភពលោក កោះ ទូវ៉ាលូ សង្កេតឃើញមានភ្ញៀវទេសចរតិចជាង ២០០ នាក់ក្នុងមួយឆ្នាំ។ នេះប្រហែលជាជំនួយដ៏ធំក្នុងការការពារការផ្ទុះឡើងជំងឺនៅក្នុងប្រទេសនេះដែលមានចំនួនប្រជាជនតិចតួច។
ទី៧. កោះ ណូរូ (ប្រជាជន៖ ១០ ៨២៣នាក់)
កោះ ណូរូ ជាកោះតូចមួយដែលអ្នកអាចដើរជុំវិញបានដោយប្រើរយៈពេលមួយថ្ងៃ។ កោះនេះក៏បានគ្រប់គ្រងជោគជ័យផងដែរដើម្បីកុំអោយមានមេរោគឆ្លង។ រួមជាមួយនឹងកោះ ទូវ៉ាលូ វាទទួលបានកំណត់ត្រាសម្រាប់ការក្លាយជាប្រទេសមួយក្នុងចំណោមប្រទេសដែលមានអ្នកទស្សនាតិចបំផុតនៅលើពិភពលោក៕ប្រែសម្រួលៈ ណៃ តុលា
