Covid-19

ក្នុងរយៈពេលមួយ ថ្ងៃប៉ុណ្ណោះ ប្រេស៊ីល មានអ្នកស្លាប់ដោយសារជំងឺ កូវីដ-១៩លើសពី៣,៥ពាន់នាក់

សៅប៉ូឡូ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១៦ ខែមេសា ឆ្នាំ២០២១ថា ប្រទេសប្រេស៊ីល នៅថ្ងៃព្រហស្បតិ៍ បានរាយការណ៍ថា មានអ្នកស្លាប់ដោយសារជំងឺកូវីដ-១៩ ចំនួន៣.៥៦០នាក់ ដោយសារជំងឺកូវីដ១៩គិតក្នុងរយៈពេល២៤ម៉ោងកន្លងទៅនេះ ដែលនាំចំនួនអ្នកស្លាប់ដោយសារជំងឺឆ្លងរាតត្បាត កើនឡើងដល់៣៦៥.៤៤៤នាក់ ។

ក្រសួងសុខាភិបាលបានឲ្យដឹងថា ក្នុងអំឡុងពេលដូចគ្នា ការធ្វើតេស្តបានរកឃើញថា មានករណីថ្មីនៃជំងឺកូវីដ-១៩ ចំនួន៧៣.១៧៤នាក់ ដែលនាំឲ្យចំនួនអ្នកឆ្លងជំងឺកូវីដ-១៩សរុបកើនឡើងដល់១៣.៧៤៦.៦៨១នាក់ ។

រដ្ឋសៅប៉ូឡូ ជារដ្ឋដែលមានពលរដ្ឋរស់នៅច្រើនជាងគេនៅក្នុងប្រទេសប្រេស៊ីល ដែលបានរងគ្រោះធ្ងន់ធ្ងរដោយសារជំងឺឆ្លងរាតត្បាត ដែលបានកត់ត្រាមានចំនួន២.៧០៤.០៩៨នាក់ និងមានអ្នកស្លាប់ចំនួន៨៦.៥៣៥នាក់ ។

ប្រេស៊ីល បានជួបប្រទះនឹងរលកថ្មីនៃករណីឆ្លងចាប់តាំងពីខែមករា និងមានរដ្ឋជាច្រើនទៀតនៅក្នុងប្រទេស ត្រូវបានគេរាយការណ៍មកថា ប្រព័ន្ធថែទាំសុខភាពបានដំាក្បាលចុះក្រោម ។

ប្រេស៊ីល ជាប្រទេសដែលមានអ្នកស្លាប់ដោយសារជំងឺកូវីដ-១៩ស្ថិតក្នុងលំដាប់លេខ២លើពិភពលោក បន្ទាប់ពីសហរដ្ឋអាមេរិក ៕ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top