ព័ត៌មានអន្តរជាតិ

ប្រេស៊ីល មានអ្នកឆ្លងជំងឺកូវីដ-១៩ថ្មី ជិត៧ម៉ឺននាក់

សៅប៉ូឡូ៖ទីភ្នាក់ងារព័ត៌មាន ចិនស៊ិនហួ បានចុះផ្សាយនៅថ្ងៃទី២១ ខែមេសា ឆ្នាំ២០២១ថា ប្រទេសប្រេស៊ីល ត្រូវបានគេរាយការណ៍ថា មានករណីថ្មីនៃជំងឺកូវីដ-១៩ ចំនួន៦៩.៣៨១ នាក់ គិតក្នុងរយៈពេល២៤ ម៉ោងកន្លងទៅនេះ ដែលនាំឲ្យចំនួនអ្នកឆ្លងជំងឺ សរុបកើនឡើង ដល់១៤.០៤៣.០៧៦នាក់ ។

ក្រសួងសុខាភិបាល បានឲ្យដឹងថា ចំនួនអ្នកស្លាប់មាន ៣.៣២១នាក់ ត្រូវបានចុះក្នុងបញ្ជី ដែលនាំឲ្យចំនួនអ្នកស្លាប់ នៅទូទាំងប្រទេស កើនឡើងដល់៣៧៨.០០៣នាក់ ។

ប្រេស៊ីល ជាប្រទេសស្ថិតក្នុងលំដាប់លេខ២ លើពិភពលោក ដែលមានអ្នកស្លាប់ច្រើនជាងគេបំផុត បន្ទាប់ពីសហរដ្ឋអាមេរិក និងជាប់លំដាប់លេខ៣ ដែលមានអ្នកឆ្លងជំងឺច្រើនបំផុត បន្ទាប់ពីសហរដ្ឋអាមេរិក និងឥណ្ឌា ។

គិតចាប់តាំងពីខែមីនា ប្រេស៊ីល បានរាយការណ៍មកថា ចំនួនអ្នកស្លាប់ប្រចំាថ្ងៃខ្ពស់បំផុតគិតជាមធ្យមនៅទូទាំងពិភពលោក ៕
ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top