Covid-19

ថៃ បន្តរកឃើញអ្នកឆ្លងវីរុស ខ្ទង់ពាន់នាក់ និងមានអ្នកស្លាប់ថ្មី ៧នាក់ នៅថ្ងៃទី២២ មេសា

បរទេស៖ រដ្ឋាភិបាលថៃ នៅថ្ងៃព្រហស្បតិ៍បានរាយការណ៍ថា មានអ្នកស្លាប់ ៧ នាក់ទៀតទាក់ទងនឹងជំងឺកូវីដ-19 ដែលបង្កើនចំនួនអ្នកស្លាប់ដល់ ១១៧ នាក់ និង បានរកឃើញករណីឆ្លងចំនួន ១ ៤៧០ ករណីថ្មីទៀត សរុបអ្នកឆ្លងវីរុសនៅថៃកើនដល់ ៤៨ ១១៣នាក់ ។

យោងតាមសារព័ត៌មាន Bangkok Post ចេញផ្សាយនៅថ្ងៃទី២២ ខែមេសា ឆ្នាំ២០២១ បានឱ្យដឹងថា លោក Taweesilp Visanuyothin អ្នកនាំពាក្យមជ្ឈមណ្ឌល គ្រប់គ្រងស្ថានភាពជំងឺកូវីដ-19 បាននិយាយថា ក្នុងចំណោមអ្នកស្លាប់ថ្មី គឺមានស្ត្រី មុខរបរលក់ដូរ ជនជាតិថៃអាយុ ២៤ឆ្នាំ ដែលមានជំងឺធាត់នៅក្នុងខេត្ត Phatthalung ។

សូមជម្រាបថា ប្រទេសថៃ មានអ្នកឆ្លងវីរុសកូវីដ១៩សរុប ចំនួន ៤៨ ១១៣ នាក់ ប៉ុន្តែ បានព្យាបាលឱ្យជាសះស្បើយចំនួន ២៩ ៨៤៨នាក់ (៦២%) ក្នុងនោះមាន ៤៧៧ នាក់ត្រូវបានរំសាយចេញក្នុងរយៈពេល ២៤ ម៉ោង ហើយ អ្នកជំងឺ ១៨១៤៨ នាក់កំពុងសម្រាកព្យាបាលនៅមន្ទីរពេទ្យ៕

ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top