បរទេស៖ ប្រទេសកូរ៉េខាងជើង បានវាយប្រហាររដ្ឋបាល របស់ប្រធានាធិបតីលោក ចូ ប៊ីដិន នៅពេលដែលខ្លួន ត្រៀមបង្ហាញយុទ្ធសាស្ត្ររបស់ខ្លួន សម្រាប់ដោះស្រាយ ជាមួយរដ្ឋាភិបាល ក្រុងព្យុងយ៉ាង និងកម្មវិធីនុយក្លេអ៊ែរ។
យោងតាមសារព័ត៌មាន BBC ចេញផ្សាយនៅថ្ងៃទី២ ខែឧសភា ឆ្នាំ២០២១ បានឱ្យដឹងដោយផ្អែកតាម ក្រសួងការបរទេសកូរ៉េខាងជើងថា ការអត្ថាធិប្បាយថ្មីៗ ចេញពីទីក្រុងវ៉ាស៊ីនតោន បានបង្ហាញថា លោកប្រធានាធិបតី ចូ ប៊ីដិន មានចេតនា ក្នុងការរក្សានូវ“ គោលនយោបាយអរិភាព” ។
កាលពីដើមសប្តាហ៍នេះ លោក ប៊ីដិន បានហៅកម្មវិធីនុយក្លេអ៊ែរ របស់កូរ៉េខាងជើងថា ជាការគំរាមកំហែងយ៉ាងធ្ងន់ធ្ងរ ដល់សន្តិសុខពិភពលោក។ សេតវិមាន និយាយថាលោក គ្រោងនឹងកោះប្រជុំពាក់ព័ន្ធ នឹងប្រទេសកូរ៉េខាងជើង។
អ្នកនាំពាក្យសេតវិមាន លោកស្រី Jen Psaki បាននិយាយ នៅថ្ងៃសុក្រនេះថា ការពិនិត្យឡើងវិញ នៃគោលនយោបាយ របស់សហរដ្ឋអាមេរិក ត្រូវបានបញ្ចប់ហើយ បានស្នើឱ្យលោក ចូ ប៊ីដិន បានរៀនសូត្រ ពីបទពិសោធន៍របស់រដ្ឋបាលទាំង ៤ មុនដែលបានព្យាយាម ហើយបានបរាជ័យក្នុងការ ធ្វើអោយប្រទេសកូរ៉េខាងជើង បោះបង់ចោលកម្មវិធី អាវុធនុយក្លេអ៊ែររបស់ខ្លួន៕ ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
