ព័ត៌មានអន្តរជាតិ

អាមេរិក ជំរុញឲ្យកាត់បន្ថយភាព តានតឹងក្នុងជម្លោះ រវាងអ៊ីស្រាអែល និងប៉ាឡេស្ទីន ប៉ុន្ដែដូចជាមាន ទំនោរទៅអ៊ីស្រាអែល

វ៉ាស៊ីនតោន ៖ រដ្ឋមន្រ្តីការបរទេស សហរដ្ឋអាមេរិកលោក Antony Blinken បានទទូចដល់គ្រប់ភាគី ឱ្យដកខ្លួនចេញនៅក្នុងការប៉ះទង្គិចគ្នា រវាងអ៊ីស្រាអែល និងប៉ាឡេស្ទីន ខណៈដែលការទទួលស្គាល់ សិទ្ធិរបស់អ៊ីស្រាអែល ក្នុងការការពារខ្លួន នៅចំពោះមុខការវាយប្រហារ ដោយរ៉ុក្កែត ។

មុនពេលជួបជាមួយរដ្ឋមន្រ្តី ការបរទេសហ្ស៊កដានី លោក Ayman Safadi លោក Blinken បានលើកឡើងថា “យើងផ្តោតយ៉ាងខ្លាំងលើស្ថានភាព នៅក្នុងប្រទេសអ៊ីស្រាអែល West Bank, តំបន់ហ្គាហ្សា មានការព្រួយ បារម្ភយ៉ាងខ្លាំង អំពីការវាយប្រហារ ដោយរ៉ុក្កែត ដែលចាំបាច់ត្រូវបញ្ឈប់ហើយ ចាំបាច់ត្រូវបញ្ឈប់ជាបន្ទាន់” ។

លោក Blinken បានស្វាគមន៍ការសម្រេចចិត្ត របស់អ៊ីស្រាអែល ក្នុងការដង្ហែក្បួនដង្ហែទង់ជាតិ ជាតិសាសន៍ប្រចាំឆ្នាំ និងពន្យាពេលសេចក្តីសម្រេច ស្តីពីការបណ្តេញក្រុមគ្រួសារប៉ាឡេស្ទីន ចេញពីសង្កាត់ Sheikh Jarrah នៅភាគខាងកើតទីក្រុងយេរ៉ូសាឡឹម ។

លោកបានសង្កត់ធ្ងន់ថា“ វាជាការចាំបាច់ ដែលភាគីទាំងអស់ចាត់វិធានការ ដើម្បីកាត់បន្ថយ និងធ្វើឱ្យស្ថានការណ៍ស្ងប់ស្ងៀមឡើងវិញ” ។

អ្នកការទូតកំពូល របស់សហរដ្ឋអាមេរិក រូបនេះ ក៏បានសម្តែងការព្រួយបារម្ភយ៉ាងខ្លាំង អំពីការវាយប្រហារដោយរ៉ុក្កែត ប្រឆាំងនឹងអ៊ីស្រាអែល ដោយលើកឡើងថា អ៊ីស្រាអែល មានសិទ្ធិការពារប្រជាជន និងទឹកដីរបស់ខ្លួន ពីការវាយប្រហារទាំងនេះ ។

លោក Safadi នៅក្នុងសុន្ទរកថារបស់លោក បានគូសបញ្ជាក់ថា ទីក្រុងយេរ៉ូសាឡឹម គឺជា“ ខ្សែក្រហម” ហើយការរក្សាសន្តិភាព និងស្ថិរភាពនៅក្រុងយេរ៉ូសាឡឹម គឺជាគន្លឹះ” ៕
ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top