ព័ត៌មានអន្តរជាតិ

អាមេរិក គួរតែផ្តោតលើការជំរុញ ការប្រកួតប្រជែងផ្ទាល់ខ្លួន មិនមែនរារាំងការអភិវឌ្ឍ របស់ប្រទេសដទៃនោះទេ

ប៉េកាំង៖ អ្នកនាំពាក្យក្រសួងការបរទេសចិន បានឲ្យដឹងកាលពីថ្ងៃអង្គារថា សហរដ្ឋអាមេរិក គួរតែផ្តោតលើការកែលម្អភាព ប្រកួតប្រជែងរបស់ខ្លួនដែលអាចសម្រេច បានតាមរយៈកិច្ចសហប្រតិបត្តិការ មិនមែនរារាំងការអភិវឌ្ឍរបស់ ប្រទេសដទៃនោះទេ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។

អ្នកនាំពាក្យលោកស្រី ហួ ជុនយីង បានឲ្យដឹងនៅក្នុង សន្និសីទសារព័ត៌មានថា“ ប្រសិនបើវាប្រឈមមុខ ឬថែមទាំងគាបសង្កត់ភាគីម្ខាងទៀត វារឹតតែធ្វើឱ្យអរិភាពកាន់តែខ្លាំងឡើង ហើយនៅទីបំផុតនាំឱ្យមានការខាតបង់ទាំងសងខាង” ។

លោកស្រីហួ បានធ្វើការកត់សម្គាល់បន្ទាប់ពីលោក Chas W. Freeman, Jr អតីតជំនួយការក្រសួងការពារជាតិសហរដ្ឋអាមេរិកទទួលបន្ទុកកិច្ចការសន្តិសុខអន្តរជាតិ បានចុះផ្សាយអត្ថបទមួយ ដែលមានចំណងជើងថា“ ទីក្រុងវ៉ាស៊ីនតោនកំពុងលេងល្បែងឈ្នះចាញ់ជាមួយចិន” ដែលក្នុងនោះលោកបានលើកឡើងថា“ ប្រសិនបើសហរដ្ឋអាមេរិក នៅតែតស៊ូនៅក្នុងការប្រឈមមុខគ្នាខ្លួននឹងកាន់តែឯកោកាន់តែខ្លាំងឡើង ៗ ។

លោកស្រីហួបានលើកឡើងថា សម្រាប់មួយរយៈជាពិសេស ចាប់តាំងពីរដ្ឋបាលអាមេរិកមុនសហរដ្ឋអាមេរិក បានព្យាយាមគ្រប់មធ្យោបាយប្រឆាំងនឹងចិន ដែលរួមមានការគំរាមកំហែងដោយកម្លាំងយោបាយឯកតោភាគី ការដាក់ទណ្ឌកម្មសេដ្ឋកិច្ច និងការរាំងស្ទះបច្ចេកទេសការជ្រៀតជ្រែកចូលកិច្ចការផ្ទៃក្នុងរបស់ចិនទាក់ទងនឹងហុងកុង តៃវ៉ាន់ និងស៊ីនជាំង និងការបង្ខិតបង្ខំ និងជំរុញប្រទេសដទៃទៀត ឱ្យបង្កើតជាការប្រឆាំងនឹងប្រទេសចិន។

ផ្ទាំងពាណិជ្ជកម្ម

អ្នកនាំពាក្យរូបនេះបានបន្ថែមថា“ ការអនុវត្តរបស់ពួកគេ គឺមិនស្របច្បាប់ និងគ្មានសីលធម៌ហើយនឹងមិនទទួលជោគជ័យនៅចុងបញ្ចប់នោះទេ ប៉ុន្តែវាគ្រាន់តែធ្វើឱ្យអន្តរាយដល់ផលប្រយោជន៍របស់សហរដ្ឋអាមេរិក និងប្រជាជនរបស់ខ្លួនប៉ុណ្ណោះ” ។

លោកស្រីហួបានបន្ដថា ផែនការយុទ្ធសាស្ត្ររបស់ចិន តែងតែបើកចំហ និងមានតម្លាភាពចំពោះពិភពលោក។ “យើងមិនដែលមានបំណងដើរហួសសហរដ្ឋអាមេរិកនោះទេ។ គោលដៅរបស់យើង គឺដើម្បីកែលំអរខ្លួនយើងឱ្យខានតែបាន និងក្លាយជាខ្លួនយើង ដើម្បីក្លាយជាប្រទេសចិន ដែលប្រសើរជាងមុន ដូច្នេះប្រជាជនចិន អាចរស់នៅបានប្រសើរជាងមុន។ ទន្ទឹមនឹងនេះការអភិវឌ្ឍរបស់ចិន នឹងចូលរួមចំណែកកាន់តែច្រើនដល់សន្តិភាពពិភពលោក និងការអភិវឌ្ឍ។

លោកស្រីហួបានអះអាងថា ប្រសិនបើមានការប្រកួតប្រជែងប្រទេសចិន នឹងមិនខ្មាស់អៀនពីវាឡើយ។ ទោះយ៉ាងណាការប្រកួតប្រជែងគួរតែមានភាពត្រឹមត្រូវ និងយុត្តិធម៌ស្របតាមច្បាប់ទីផ្សារ ហើយសហរដ្ឋអាមេរិក មិនគួរប្រើប្រាស់អំណាចរបស់ខ្លួន ដើម្បីដកហូតប្រទេសដទៃទៀតនូវសិទ្ធិអភិវឌ្ឍន៍ធម្មតា និងស្របច្បាប់របស់ពួកគេឡើយ៕ដោយ ឈូក បូរ៉ា

To Top