Covid-19

នៅថ្ងៃពុធនេះ ថៃ មានអ្នកស្លាប់ដោយសារ កូវីដ១៩ចំនួន ៣៤នាក់

បរទេស៖ នៅថ្ងៃពុធរដ្ឋាភិបាលថៃ បានរាយការណ៍ពីចំនួនអ្នកស្លាប់ដែលទាក់ទងនឹងជំងឺកូវីដ-19 ចំនួន ៣៤ នាក់បន្ថែមទៀត ដែលនាំឱ្យអ្នកស្លាប់ដោយសារជំងឺនេះ កើនឡើងដល់ ៤៨៦ នាក់ និងអ្នកឆ្លងថ្មីចំនួន ១,៩៨៣ នាក់ ដូច្នេះ សរុបអ្នកឆ្លងជំងឺកូវីដ១៩ កើនដល់ ៨៨ ៩០៧នាក់ ចាប់តាំងពីការរាតត្បាតបានចាប់ផ្តើមនៅដើមឆ្នាំ។

យោងតាមសារព័ត៌មាន Bangkok Post ចេញផ្សាយនៅថ្ងៃទី១២ ខែឧសភា ឆ្នាំ២០២១ បានឱ្យដឹងថា ក្នុងរយៈពេល ២៤ ម៉ោងកន្លងមក ក៏មានអ្នកជំងឺចំនួន ២ ០០៦ នាក់ បានជាសះស្បើយហើយត្រូវបានរំសាយចេញពីមន្ទីរពេទ្យ។

សូមជម្រាបថា បើតាមវេជ្ជបណ្ឌិត Apisamai បាននិយាយថា ករណីអ្នកឆ្លងវីរុសកូវីដ១៩ចំនួន ២៩ ៣៧៨ ស្ថិតនៅក្នុងមន្ទីរពេទ្យ រួមទាំងអ្នកជំងឺ ១.២២៦ នាក់ស្ថិតក្នុងស្ថានភាពធ្ងន់ធ្ងរ និង ៤០១ នាក់ពឹងផ្អែកលើបំពង់ខ្យល់។ ចំនួនអ្នកជំងឺដែលមានអាការៈធ្ងន់ធ្ងរ និងអ្នកដែលត្រូវដាក់បំពង់ខ្យល់អ៊ុកស៊ីសែន កំពុងកើនឡើង៕ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top