កាហ្សា៖ ក្រុមប្រដាប់អាវុធ នៃចលនាតស៊ូអ៊ីស្លាម ប៉ាឡេស្ទីន (ហាម៉ាស) បានប្រកាសនៅថ្ងៃព្រហស្បតិ៍ ម្សិលមិញនេះថា ខ្លួនបានបញ្ឈប់ការបាញ់រ៉ុក្កែត ជាការឆ្លើយតបទៅនឹង បទឈប់បាញ់ ដែលមានទំនាក់ទំនង រវាងប្រទេសអេហ្ស៊ីប ជាមួយប្រទេសអ៊ីស្រាអែល។
អ្នកនាំពាក្យ នៃក្រុមប្រដាប់អាវុធអាល់ – កាស្សាមកងពលបានឲ្យដឹង នៅក្នុងសុន្ទរកថាខ្លីមួយ ដែលចាក់ផ្សាយតាមទូរទស្សន៍ អាល់អាសា របស់ចលនានេះថា ពួកសកម្មប្រយុទ្ធហាម៉ាស បានបញ្ឈប់ការបាញ់រ៉ុក្កែត ទៅលើអ៊ីស្រាអែល ដើម្បីឆ្លើយតប នឹងកិច្ចព្រមព្រៀងឈប់បាញ់។
អ្នកនាំពាក្យ របស់ក្រុមហាម៉ាស បានលើកឡើងថា“ យើងបានត្រៀមគ្រាប់រ៉ុក្កែតជាច្រើន ដែលគ្របដណ្តប់ លើទឹកដីអ៊ីស្រាអែល ពីទីក្រុងហៃហ្វា នៅភាគខាងជើងដល់រ៉ាម៉ុន នៅភាគខាងត្បូង ប៉ុន្តែយើងបានឆ្លើយតប ទៅនឹងបទឈប់បាញ់ ដើម្បីមើលឥរិយាបថ របស់សត្រូវ”។
លោកបានបន្ថែមថា“ ការចាប់ផ្តើមធ្វើកូដកម្មរ៉ុក្កែត គឺអាស្រ័យលើឥរិយាបទ របស់សត្រូវ (អ៊ីស្រាអែល) នៃការបញ្ឈប់ការឈ្លានពាន របស់ខ្លួនទាំងស្រុង ទៅលើប្រជាជនរបស់យើង នៅតំបន់កាហ្សាស្ទ្រី” ។
លោក Abu Obeida ក៏បានឲ្យដឹងផងដែរថា “មេដឹកនាំនៃការកាន់កាប់ (អ៊ីស្រាអែល) កំពុងស្ថិតនៅក្រោមការ សាកល្បងពិតប្រាកដ ហើយការសម្រេចចិត្ត ដើម្បីធ្វើកូដកម្មរ៉ុក្កែត លើអ៊ីស្រាអែលទាំងអស់ គឺស្ថិតនៅលើតុ” ។
នៅព្រឹកថ្ងៃព្រហស្បតិ៍ មេដឹកនាំហាម៉ាសជាច្រើននាក់ បានប្រកាសថា អ្នកសម្រុះសម្រួលអេហ្ស៊ីប បានជូនដំណឹងដល់ពួកគេថា បទឈប់បាញ់គ្នា ត្រូវបានធ្វើឡើង ជាមួយអ៊ីស្រាអែល ហើយវានឹងចូលជាធរមាន នៅម៉ោង ២៖០០ នាទីព្រឹក នៅក្រុងយេរ៉ូសាឡឹម៕ ដោយ៖ ឈូក បូរ៉ា
