Covid-19

វៀតណាម មានករណីឆ្លងថ្មីនៃជំងឺកូវីដ-១៩ ចំនួនជាង ២០០នាក់ សរុបកើនឡើងដល់ជិត ៩០០០នាក់

ហាណូយ៖ យោងតាមក្រសួងសុខាភិបាល ប្រទេសវៀតណាម បានកត់ត្រាចំនួន ២០៦ ករណីនៃការការពារជំងឺកូវីដ-១៩ កាលពីថ្ងៃអាទិត្យ ដែលរួមមានការឆ្លងក្នុងស្រុកចំនួន ២០១ និងការនាំចូលចំនួន ៥ ករណី ដែលសរុបកើនឡើងដល់ចំនួន ៨,៧៤៧នាក់ ។

ក្នុងចំណោមករណីសហគមន៍ចំនួន ១២១ ករណីត្រូវបានរកឃើញនៅភាគខាងជើងនៃខេត្ត Bac Giang ដែលជាចំណុចឆ្លងរាលដាលនៃជំងឺរាតត្បាត ៤០ករណីនៅជិតខេត្ត Bac Ninh ៣១ករណីនៅភាគខាងត្បូងទីក្រុងហូជីមិញ និង ៥ នៅខេត្ត Ha Tinh ភាគកណ្ដាលប្រទេស។

ភាគច្រើននៃអ្នកឆ្លងជំងឺ គឺជាទំនាក់ទំនងនៃករណី ដែលបានបញ្ជាក់ពីមុន ឬភ្ជាប់ទៅនឹងចង្កោមនៃ ការបង្ករោគនៅតាមមូលដ្ឋាន។

ក្រសួងបានឲ្យដឹងថា នៅទូទាំងប្រទេសមានអ្នកជំងឺចំនួន ៣,៣៦៨ នាក់បានជាសះស្បើយពី ការឆ្លងរាលដាលនៃវីរុសនេះ ដែលកើនឡើង ៥៨ ពីថ្ងៃសៅរ៍ ហើយមានមនុស្សជាង ១៨៣,៩០០ នាក់ត្រូវបានគេចាត់ចែង និងតាមដាន។

គិតមកដល់ថ្ងៃអាទិត្យម្សិលមិញនេះ ប្រទេសវៀតណាម បានកត់ត្រានូវករណីឆ្លងជំងឺកូវីដ-១៩ ក្នុងស្រុកសរុបចំនួន ៧,១៩១ ករណី ក្នុងនោះមាន ៥៦២១ ករណីត្រូវបានរកឃើញចាប់តាំងពី ការផ្ទុះឡើងចុងក្រោយបង្អស់នៅចុងខែមេសា ក្នុងប្រទេសអាស៊ីអាគ្នេយ៍មួយនេះ ៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×