ព័ត៌មានអន្តរជាតិ

ចំនួនអ្នកស្លាប់ ដោយសារជំងឺកូវីដ-១៩ នៅប្រេស៊ីល បន្ដកើនឡើងទៀតហើយ ដោយរយៈពេល ២៤ម៉ោង មានអ្នកស្លាប់រហូតដល់ជិត ២៤០០នាក់

រីយ៉ូ ៖ ក្រសួងសុខាភិបាលប្រេស៊ីល បានឲ្យដឹងថា ប្រទេសប្រេស៊ីល បានចុះបញ្ជីការស្លាប់បន្ថែមទៀតចំនួន ២,៣៧៨ នាក់ពីជំងឺកូវីដ -១៩ ក្នុងរយៈពេល ២៤ ម៉ោងចុងក្រោយនេះ ដែលធ្វើឱ្យចំនួនអ្នកស្លាប់ សរុបទូទាំងប្រទេសកើនឡើងដល់ ៤៧៦,៧៩២ នាក់ ។

យោងតាមការចុះផ្សាយ របស់ទីភ្នាក់ងារសារ ព័ត៌មានចិនស៊ិនហួ បានឲ្យដឹងថា ក្រសួងសុខាភិបាលប្រេស៊ីល បានឲ្យដឹងថា សរុបចំនួនអ្នកឆ្លងជំងឺ ៥២,៩១១ នាក់ ត្រូវបានរកឃើញ ដែលបង្កើនចំនួន អ្នកឆ្លងសរុបកើន ឡើងដល់ ១៧,០៣៧,១២៩ នាក់ ។

ប្រទេសប្រេស៊ីល មានចំនួនអ្នកស្លាប់អ្នកស្លាប់ ដោយសារជំងឺកូវីដ-១៩ ខ្ពស់បំផុតទី ២ នៅលើពិភពលោក បន្ទាប់ពីសហរដ្ឋអាមេរិក និងចំនួនអ្នកឆ្លងជំងឺធំជាងគេទី ៣ នៅពីក្រោយ សហរដ្ឋអាមេរិក និងឥណ្ឌា ។

ប្រទេសអាមេរិកខាងត្បូងមួយនេះ កំពុងជួបប្រទះនូវរលក នៃការឆ្លងថ្មី ដែលមន្ទីរពេទ្យត្រូវបានគ្របដណ្ដប់ ដោយអ្នកជំងឺ។ វ៉ាក់សាំងបង្កាជំងឺកូវីដ-១៩ ចំនួនជាង ៧២,៦ លានដូស ត្រូវបានផ្តល់ជូននៅទូទាំងប្រទេស ហើយប្រជាជនជាង ២៣ លាននាក់បាន ទទួលថ្នាំចំនួនទាំងពីរដូស៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top