ព័ត៌មានអន្តរជាតិ

អាមេរិកបង្កើនជំនួយវ៉ាក់សាំង របស់ខ្លួនទៅសកលលោក ដល់ទៅ ៥០០លានដូស

បរទេស៖កាលពីថ្ងៃពុធម្សិលមិញនេះ រដ្ឋាភិបាលអាមេរិកត្រូវបានគេដឹងថា បានរៀបចំកិច្ចការងារក្នុងការបង្កើន ចំនួនវ៉ាក់សាំងដែលត្រូវប្រើប្រាស់សម្រាប់ ជួយទៅដល់បណ្តាប្រទេសលើ លោកប្រមាណជា ៥០០លានដូស។

កញ្ចប់វ៉ាក់សាំងនេះ នឹងត្រូវចែកចាយទៅកាន់ប្រទេសចំនួនជាង១០០ដែលខ្វះ ខាតវ៉ាក់សាំងហើយវានឹងត្រូវអនុវត្តការងារនេះក្នុងរយៈ ពេលយ៉ាងហោចណាស់២ឆ្នាំ ដែលឆ្នាំដំបូងខ្លួននឹងជំនួយចេញ២០០លានដូស ហើយបន្តចែកចាយ៣០០លានដូស ទៀតនៅឆ្នាំបន្ទាប់។

វ៉ាក់សាំងទាំងនោះក៏ត្រូវបានដឹងដែរថា នឹងធ្វើការចែកចាយភាគច្រើនទៅកាន់ បណ្តាប្រទេសដែលមានប្រាក់ចំណូលទាប ជាពិសេសគឺធ្វើឡើងតាមរយៈកម្មវិធី COVAX ដែលជាកម្មវិធីគ្រប់គ្រងដោយ អង្គការសុខភាព ពិភពលោកឬ WHO។

ប្រភពដដែលបានឲ្យដឹងទៀតដែរថា វ៉ាក់សាំងដែលនឹងត្រូវប្រើប្រាស់សម្រាប់ ជាជំនួយនេះគឺជាវ៉ាក់សាំង Moderna ដែលអ្នកនាំពាក្យរបស់ Moderna បានចេញមកបញ្ជាក់ថា ពិតជារីករាយខ្លាំងណាស់ក្នុងការ កិច្ចការងារសហប្រតិបត្តិការជា មួយនឹងរដ្ឋាភិបាលអាមេរិកដើម្បី ផលិតវ៉ាក់សាំងជាជំនួយបែបនេះ៕

ប្រែសម្រួល៖ស៊ុនលី

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×