ព័ត៌មានអន្តរជាតិ

លោក Biden បោះបង់ផែនការលប់ ចោលកម្មវិធីកំសាន្តរបស់ចិននៅ ក្នុងប្រទេសអាមេរិក

វ៉ាស៊ិនតោន៖ប្រធានាធិបតី អាមេរិកលោក Joe Biden តាមរយៈការចេញផ្សាយរបស់ CNA នៅថ្ងៃនេះត្រូវបានគេដឹងថានឹងបោះបង់ចោល នូវផែនការដែលធ្លាប់បានលើកឡើងដោយ អតីតប្រធានាធិបតីអាណត្តិមុនលោក Donald Trump ក្នុងការលប់ចោលនូវកម្មវិធី កំសាន្តយក្សរបស់ចិនដូចជា TikTok និងWeChat ជាដើមពីទីផ្សារសហរដ្ឋអាមេរិក។

នៅក្នុងសេចក្តីថ្លែងការណ៍ដែលត្រូវបានធ្វើឡើងដោយក្រសួងការពារជាតិអាមេរិកបានបន្តទៀតថា ជំនួសឲ្យការដាក់បម្រាមទៅលើកម្មវិធីទាំងនោះ រដ្ឋាភិបាលរបស់លោក Biden នឹងចាប់យកវិធីក្នុងការសម្រេចចិត្តផ្សេង ជំនួសវិញដោយផ្អែកទៅលើការវិភាគនិងពិនិត្យទៅ លើភស្តុតាងជាក់ស្តែងដើម្បីកំណត់ពីហនិភ័យនៃកម្មវិធីអ៊ីនធឺណេត ដែលស្ថិតនៅក្រោមការគ្រប់គ្រងរបស់បរទេស ទាំងនោះ។

គួររំលឹកដែរថាកន្លងមកអតីត ប្រធានាធិបតីអាមេរិកលោក Donald Trump ធ្លាប់បានចោទប្រកាន់ថាកម្មវិធីកំសាន្តរបស់ចិនជាច្រើន បានគម្រាមកំហែងយ៉ាងខ្លាំងទៅដល់សន្តិសុខជាតិ របស់អាមេរិកហើយបានលើកផែនការ ក្នុងការរារាំងកម្មវិធីនេះមិនឲ្យមានវត្តមាន នៅក្នុងប្រទេសអាមេរិកឡើយប៉ុន្តែមិនទាន់បានសម្រេចជា ផ្លូវការផងអាណត្តិរបស់លោកក៏ត្រូវដល់ពេលវេលាមកដល់។

ការប្រកាសនេះត្រូវបានធ្វើឡើងតែមួយ ថ្ងៃប៉ុណ្ណោះក្រោយពេលដែលរដ្ឋាភិបាលអាមេរិក បានប្រកាសអនុម័តឲ្យប្រើប្រាស់កញ្ចប់ថវិកាដល់ទៅ ១៧០ពាន់លានដុល្លារ សម្រាប់កិច្ចការងារអភិវឌ្ឍនិង ស្រាវជ្រាវបច្ចេកវិទ្យាដើម្បីអាចទប់ទល់ ទៅនឹងការកើនឡើងនៃសេដ្ឋកិច្ចនិង ការគម្រាមកំហែងបែបសេដ្ឋកិច្ចទាំងឡាយ ដែលធ្វើឡើងដោយរដ្ឋាភិបាល ក្រុងប៉េកាំង៕ ប្រែសម្រួល៖ស៊ុនលី

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×