ព័ត៌មានអន្តរជាតិ

ការនាំចេញរបស់កូរ៉េខាងត្បូង កើនឡើងជាង ៤០ភាគរយ ក្នុងរយៈពេល ១០ថ្ងៃដំបូងដើមខែមិថុនា

សេអ៊ូល៖ ទិន្នន័យគយបានបង្ហាញនៅថ្ងៃសុក្រនេះថា ការនាំចេញរបស់កូរ៉េខាងត្បូង បានកើនឡើង ៤០,៩ ភាគរយក្នុងរយៈពេល ១០ ថ្ងៃដំបូងនៃខែមិថុនា ដោយសារការនាំចេញបន្ទះឈីប និងរថយន្តដឹកទំនិញបានយ៉ាងរឹងមាំ។

យោងតាមទិន្នន័យពីសេវាគយកូរ៉េបានឱ្យដឹងថាការនាំចេញទៅក្រៅប្រទេសរបស់ប្រទេសនេះ មានចំនួន ១៧,៣ ពាន់លានដុល្លារក្នុងរយៈពេលពីថ្ងៃទី០១-១០ ខែមិថុនា បើប្រៀបធៀបទៅនឹង ១២,៣ ពាន់លានដុល្លារកាលពីឆ្នាំមុន។

ទិន្នន័យបានបង្ហាញថា ការនាំចូលបានកើនឡើង ៣១ ភាគរយស្មើនឹង ១៧,៩ ពាន់លានដុល្លារដែលជាហេតុធ្វើឱ្យមានឱនភាពពាណិជ្ជកម្មចំនួន ៦១២ លានដុល្លារក្នុងរយៈពេល ដែលបានលើកឡើង។

តាមវិស័យការនាំចេញបន្ទះឈីប អង្គចងចាំ ដែលជាមុខទំនិញនាំចេញសំខាន់ បានកើនឡើង ៣៧,៥ ភាគរយពីមួយឆ្នាំទៅមួយឆ្នាំហើយរថយន្តបានកើនឡើង ១៣៦,៩ ភាគរយបើទោះបីជាមានការផ្គត់ផ្គង់ឈីបរថយន្តនៅទូទាំងពិភពលោកក៏ដោយ។

ឧបករណ៍អេឡិចត្រូនិក មានប្រហែល ២០ ភាគរយនៃការនាំចេញរបស់កូរ៉េខាងត្បូង ដែលជារបស់ក្រុមហ៊ុនអេឡិចត្រូនិកសាមសុង ដែលជាក្រុមហ៊ុនផលិតបន្ទះឈីបធំជាងគេបំផុតនៅលើពិភពលោក និងគូប្រជែងតូចជាងរបស់ខ្លួន គឺក្រុមហ៊ុន SK hynix Inc ។

ការនាំចេញផលិតផលប្រេងបានកើនឡើង ៧០,២ ភាគរយធៀបនឹងរយៈពេលដូចគ្នាកាលពីឆ្នាំមុន ដោយសារតម្លៃប្រេងកើនឡើង ចំពេលដែលសេដ្ឋកិច្ចពិភពលោកស្ទុះងើបឡើងវិញ៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×