រ៉ងហ្គូន ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១៣ ខែមិថុនា ឆ្នាំ២០២១ថា ក្រសួងសុខាភិបាល និងកីឡា បានប្រកាសឲ្យដឹងថា ប្រទេសមីយ៉ាន់ម៉ា ត្រូវបានគេ រាយការណ៍ថា មានអ្នកស្លាប់បន្ថែមទៀត ដោយសារជំងឺកូវីដ-១៩ចំនួន០២នាក់ ដែលនាំឲ្យចំនួនអ្នកស្លាប់ កើនឡើង ដល់៣.២៤១នាក់ គិតត្រឹមថ្ងៃសៅរ៍ ។
សេចក្តីប្រកាសបានដាក់ថា ចំនួននៃអ្នកឆ្លងជំងឺកូវីដ-១៩ បានកើនឡើងដល់១៤៥.២៣០នាក់ បន្ទាប់ពីមានអ្នកឆ្លង ជំងឺថ្មី១៦៦នាក់ ត្រូវបានគេរាយការណ៍ឲ្យដឹង នៅក្នុងរយៈពេល ២៤ម៉ោងកន្លងទៅនេះ ។
អ្នកជំងឺផ្សេងទៀតចំនួន៦៥នាក់ បានចាកចេញពីមន្ទីរពេទ្យ កាលពីថ្ងៃសៅរ៍ និងចំនួនអ្នកជាសះស្បើយ ពីជំងឺបានកើនឡើង ដល់១៣២.៨៣០នាក់ ។
ការរកឃើញដំបូង នៃជំងឺកូវីដ-១៩ នៅក្នុងប្រទេសមីយ៉ាន់ម៉ា កាលពីថ្ងៃទី២៣ ខែមីនា កាលពីឆ្នាំមុន ៕
ប្រែសម្រួលដោយ៖ ម៉ៅ បុប្ផាមករា
