Covid-19

ហ្វីលីពីន បន្ថែមពេលវេលាហាមប្រាម ដល់ការធ្វើដំណើរមកពីឥណ្ឌា និងបណ្តាប្រទេសជាច្រើនទៀត រហូតដល់ថ្ងៃ៣០ មិថុនា

ម៉ានីល៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១៥ ខែមិថុនា ឆ្នាំ២០២១ថា លោកស្រី Harry Roque អ្នកនាំពាក្យប្រធានាធិបតី បានលើកឡើងកាលពីល្ងាចថ្ងៃចន្ទថា ហ្វីលីពីន បានបន្ថែមពេលវេលាហាមឃាត់ ការធ្វើដំណើរសម្រាប់ទៅ និងមកពីប្រទេសឥណ្ឌា ប៉ាគីស្ថាន ស្រីលង្កា បង់ក្លាដេស នេប៉ាល់ អូម្ម៉ង់ និងសហភាពអារ៉ាប់(UAE) រហូតដល់ថ្ងៃទី៣០ ខែមិថុនា ។

នៅក្នុងសេចក្តីថ្លែងការ លោកស្រី Roque បានឲ្យដឹងថា លោក Rodrigo Duterte ប្រធានាធិបតីហ្វីលីពីន បានអនុម័តបន្ថែមពេលវេលានៃការរឹតត្បិត ដើម្បីការពារការឆ្លងរាលដាល ការឆ្លងវីរុសក្លាយពូជ ។

កាលពីដំបូង ហ្វីលីពីន បានដាក់បទបញ្ជារឹតត្បិត ការធ្វើដំណើរលើប្រទេសឥណ្ឌា ពីថ្ងៃទី២៩ ខែមេសា ដោយសារតែនៅក្នុងប្រទេសនោះ មានផ្ទុះជំងឺកូវីដ-១៩កាន់តែខ្លាំងឡើងៗ ។ ហ្វីលីពីន បានបន្លាយពេលហាមប្រាមដល់ អ្នកដំណើរទាំងឡាយដែលក្នុងនោះ រាប់ទាំងមកពីប្រទេសបង់ក្លាដេស នេប៉ាល់ ប៉ាគីស្ថាន និងស្រីលង្កា ពីថ្ងៃទី៧ ឧសភា ។

ហ្វីលីពីន ក៏បានហាមប្រាមការមកដល់ របស់អន្តរជាតិដែលមកពីអូម្ម៉ង់ និងសហភាពអារ៉ាប់ នៅថ្ងៃទី១៥ ខែឧសភា បន្ទាប់ពីក្រុមកម្មករហ្វីលីពីនមកពីបរទេស ដែលបានហោះហើរពីបណ្តាប្រទេសទាំងនេះ ដែលបានធ្វើតេស្តវិជ្ជមានរកមើលវីរុសកូវីដ-១៩ ក្លាយពូជដែលបានរកឃើញដំបូង នៅក្នុងប្រទេសឥណ្ឌា ៕

ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top