ព័ត៌មានអន្តរជាតិ

ថ្ងៃនេះ វៀតណាម មានករណីឆ្លងជំងឺកូវីដ-១៩ ប្រចាំថ្ងៃខ្ពស់បំផុតមិនធ្លាប់មាន

ហាណូយ៖ ប្រទេសវៀតណាម បានរាយការណ៍ពីការឆ្លងជំងឺកូវីដ-១៩ ថ្មីចំនួន ៥១៥ករណី កាលពីថ្ងៃព្រហស្បតិ៍ ដែលជាការកើនឡើងខ្ពស់បំផុតចាប់តាំងពីការរាតត្បាតនៅក្នុងប្រទេសកាលពីឆ្នាំមុន នេះបើយោងតាមក្រសួងសុខាភិបាល។

ក្រសួងសុខាភិបាលវៀតណាមបានឲ្យដឹងថា ការឆ្លងជំងឺនេះរួមមានការឆ្លងក្នុងស្រុកចំនួន ៥០៣ ករណី និងករណីនាំចូលចំនួន ១២ ករណី ដែលសរុបទៅមានចំនួន ១២,១៥០ ករណី។

ក្នុងចំណោមករណីសហគមន៍ចំនួន ៤៩៥ករណី ត្រូវបានរាយការណ៍នៅក្នុងកន្លែងដាក់ដាច់ដោយឡែក ឬតំបន់ចាក់សោ។ បើនិយាយអំពីមូលដ្ឋានតំបន់ចំនួន ៣២៧ករណី ត្រូវបានរកឃើញនៅភាគខាងជើងនៃខេត្ត Bac Giang ដែលជាចំណុចរាតត្បាត ១៣៧ករណីនៅភាគខាងត្បូងទីក្រុងហូជីមិញ និង ១៣ករណី នៅខេត្ត Tien Giang ភាគខាងត្បូង។

ភាគច្រើននៃពួកគេ គឺជាទំនាក់ទំនងនៃករណីដែលបានបញ្ជាក់ពីមុន ឬភ្ជាប់ទៅនឹងចង្កោមនៃការបង្ករោគនៅតាមមូលដ្ឋាន។

ក្នុងគោលបំណងដើម្បីទប់ស្កាត់ការរីករាលដាលនៃវីរុសឆ្លងនេះនៅទីក្រុងហូជីមិញ ដែលមានករណីសហគមន៍ថ្មីជិត ១,២០០ ករណីត្រូវបានគេរាយការណ៍ថា កំពុងផ្ទុះឡើងនោះគ្រោងនឹងគ្រប់គ្រងវ៉ាក់សាំងកូវីដ-១៩ ចំនួន ៨០០,០០០ ដូស សម្រាប់ក្រុមដែលមានអាទិភាពក្នុងរយៈពេលមួយសប្តាហ៍ ដោយចាប់ផ្តើមពីថ្ងៃសៅរ៍ស្អែកនេះ។

នៅទូទាំងប្រទេសមានអ្នកជំងឺចំនួន ៤,៦៥៣ នាក់ ដែលត្រូវបានព្យាបាលជាសះស្បើយ ចាប់ពីថ្ងៃពុធកន្លងទៅនេះ ហើយមនុស្សជិត ១៨២,៥០០ នាក់ត្រូវបានគេដាក់ឱ្យនៅដាច់ដោយឡែក និងតាមដានបន្ដដើម្បីរកមេរោគ៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top