ព័ត៌មានអន្តរជាតិ

បាញ់ប្រហារគ្នាច្រើនកន្លែងនៅរដ្ឋ Arizona ត្រឹមមួយថ្ងៃស្លាប់ម្នាក់និងរបួសជាង១០នាក់

បរទេស៖ ទីភ្នាក់ងារចិនស៊ិនហួចេញផ្សាយនៅថ្ងៃសុក្រនេះ បានឲ្យដឹងថាមនុស្សម្នាក់បានស្លាប់និងប្រមាណជា១២នាក់ ទៀតរងរបួសនៅក្នុងហេតុការណ៍ បាញ់ប្រហារគ្នាជាច្រើនកន្លែង ផ្សេងគ្នានៅក្នុងរដ្ឋ Arizona កាលពីល្ងាចថ្ងៃព្រហស្បតិ៍ម្សិលមិញ។

យោងតាមការបញ្ជាក់របស់ក្រុមមន្ត្រីប៉ូលីស ដែលកំពុងបើកការស៊ើបអង្កេតទៅ លើហេតុការណ៍ទាំងនោះ បាននិយាយថាទីតាំងចំនួន៨ផ្សេងគ្នា បានកើត ឡើងនៃការបាញ់ប្រហារគ្នានៅក្នុងទីក្រុង West Valley ហើយវាបានអូសបន្លាយអស់រយៈពេលចាង១ម៉ោងកន្លះមុនពេលដែលវាអាចបញ្ចប់ទៅវិញ។

ប្រភពដដែលបានឲ្យដឹងដែរថាជនសង្ស័យម្នាក់ដែលជាអ្នកបង្កហេតុទាំងអស់នោះ ត្រូវបានចាប់ខ្លួនដោយមិនមានការបាញ់ តបតគ្នាណាមួយឡើយហើយ មកដល់ពេលនេះអ្វីដែលនៅពីក្រោយមូលហេតុ ដែលនាំឲ្យគាត់ធ្វើសកម្មភាពនេះ គឺនៅមិនទាន់ត្រូវបានដឹងនៅឡើយខណៈ ដែលការស៊ើបការណ៍នៅបន្តនៅឡើយ។

ក្នុងចំណោមអ្នករបួសទាំងនិងស្លាប់ទាំង១៣នាក់ ក្នុងនោះគេបានដឹងថាមនុស្ស៤នាក់ដែលត្រូវបានគ្រាប់កាំភ្លើង បៀមជាប់នឹងខ្លួនហើយត្រូវការវះកាត់ ខណៈអ្នក ផ្សេងទៀតត្រូវបានបញ្ជូន ទៅដល់មន្ទីរពេទ្យភ្លាមៗ៕

ប្រែសម្រួល៖ស៊ុនលី

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top