ព័ត៌មានអន្តរជាតិ

ជប៉ុន នឹងបរិច្ចាគ វ៉ាក់សាំង AstraZeneca ដល់ ប្រទេសថៃ

បរទេស៖ រដ្ឋមន្រ្តីក្រសួងសុខាភិបាលប្រទេសថៃ លោក Anutin Charnvirakul បាននិយាយនៅថ្ងៃច័ន្ទថា រដ្ឋាភិបាលជប៉ុន នឹងបរិច្ចាគវ៉ាក់សាំង AstraZeneca មួយចំនួនខណៈដែលប្រទេសថៃ ស្វែងរកការផ្គត់ផ្គង់បន្ថែមបន្ទាប់ពីមានការពន្យារពេល ក្នុងការចាក់វ៉ាក់សាំង។

យោងតាមសារព័ត៌មាន Bangkok Post ចេញផ្សាយនៅថ្ងៃទី២១ ខែមិថុនា ឆ្នាំ២០២១ បានឱ្យដឹងថា លោក Anutin Charnvirakul បាននិយាយនៅក្នុងសេចក្តីថ្លែងការណ៍មួយថា កិច្ចព្រមព្រៀងនឹងត្រូវបានចុះហត្ថលេខានៅថ្ងៃព្រហស្បតិ៍ជាមួយនឹងវ៉ាក់សាំង ដែលនឹងត្រូវផ្តល់ជូននៅប្រហែលខែកក្កដា ប៉ុន្តែលោកមិនបានបញ្ជាក់អំពីបរិមាណដែលជប៉ុន ផ្តល់ឱ្យនោះទេ។

ការចាក់ថ្នាំបង្ការរោគ ដែលបានចាប់ផ្តើមក្នុងខែនេះ ពឹងផ្អែកយ៉ាងខ្លាំង ទៅលើការចាក់ថ្នាំបង្ការរបស់ AstraZeneca ផលិតនៅក្នុងស្រុកដោយ Siam Bioscience ដែលមានការពន្យាពេលខ្លះ ក៏វាបានជះឥទ្ធិពលដល់ កោះតៃវ៉ាន់ ម៉ាឡេស៊ី និងហ្វីលីពីន ផងដែរ៕ប្រែសម្រួលៈ ណៃ តុលា

To Top