ដាកា៖ ប្រទេសបង់ក្លាដែស បានរាយការណ៍ថាមានអ្នកស្លាប់ចំនួន ១១៩ នាក់បន្ថែមទៀតពីជំងឺរាតត្បាតកូវីដ-១៩ ដែលជាចំនួនប្រចាំថ្ងៃ ខ្ពស់បំផុតមិនធ្លាប់មាន ដែលធ្វើឱ្យចំនួនអ្នកស្លាប់ សរុបកើនឡើងដល់ជាង ១៤,០០០ នាក់។
យោងតាមអគ្គនាយកដ្ឋានសេវាសុខភាព (DGHS) អ្នកជំងឺសរុបចំនួន ១៤,១៧២ នាក់បានស្លាប់នៅក្នុងប្រទេសបង់ក្លាដែស ពីការរីករាលដាលនៃជំងឺនេះ ចាប់តាំងពីរោគរាតត្បាតនេះ បានវាយប្រហារប្រទេស។
DGHS ក៏បានរាយការណ៍ផងដែរនូវករណីឆ្លងជំងឺ ចំនួន ៥,២៦៨ករណី ក្នុងរយៈពេល ២៤ ម៉ោងចុងក្រោយ នៅទូទាំងប្រទេសបង់ក្លាដែសដែល បានបង្កើនចំនួនអ្នកឆ្លងសរុបកើនឡើងដល់ ៨៨៨,៤០៦ករណគ ។
ទិន្នន័យផ្លូវការបានបង្ហាញថា មានការធ្វើសំណាក ២៤,៤០០ករណី ក្នុងរយៈពេល ២៤ ម៉ោងចុងក្រោយនៅទូទាំងប្រទេសបង់ក្លាដែស។ ចំនួនសរុបនៃអ្នកជំងឺដែលបាន សង្គ្រោះបានកើនឡើងដល់ ៨០៤,១០៣នាក់ រួមទាំងការរកឃើញអ្នកឆ្លងថ្មី ៣,២៤៩ នាក់ដែលបានរាយការណ៍ កាលពីថ្ងៃអាទិត្យ។
យោងតាមទិន្នន័យជាផ្លូវការ អត្រាអ្នកស្លាប់ដោយសារជំងឺកូវីដ-១៩ នៅប្រទេសបង់ក្លាដែស បច្ចុប្បន្នមានចំនួន ១,៦០ ភាគរយ ហើយអត្រានៃការងើបឡើងវិញគឺ ៩០,៥១ ភាគរយ។
គួរបញ្ជាក់ថា ប្រទេសបង់ក្លាដែសបានកត់ត្រា ករណីថ្មីខ្ពស់បំផុតប្រចាំថ្ងៃចំនួន ៧,៦២៦ នាក់នៅថ្ងៃទី៧ ខែមេសា និងចំនួនអ្នកស្លាប់ខ្ពស់ជាងគេកាលពីមុនមានចំនួន ១១២ នាក់កាលពីថ្ងៃទី ១៩ ខែមេសា ៕
ដោយ ឈូក បូរ៉ា
