ព័ត៌មានអន្តរជាតិ

មេបញ្ជាការអាហ្កានីស្ថាន៖អាមេរិក ដកទ័ពចេញពីមូលដ្ឋានអាកាស Bagram ទាំងយប់

បរទេស៖ទូរទស្សន៍ BBC ចេញផ្សាយនៅថ្ងៃអង្គារនេះ បានឲ្យដឹងថាកងយោធារបស់សហរដ្ឋអាមេរិក បានធ្វើការដកទ័ពរបស់ខ្លួនចេញពី មូលដ្ឋានទ័ព អាកាសអាហ្គានីស្ថាន Bagramទាំងយប់ដោយមិនបានផ្តល់ដំណឹង ជាមុនឡើយ។

ព័ត៌មាននេះត្រូវបានផ្តល់ដោយ មេបញ្ជាការយោធាថ្មីរបស់មូលដ្ឋានទ័ពអាកាសលោក Asadullah Kohistani ហើយបានបញ្ជាក់ទៀតថា ទ័ពអាមេរិកបានចាប់ផ្តើមធ្វើការចាកចេញពី Bagram នៅវេលាម៉ោងប្រមាណជា៣ព្រឹកថ្ងៃសុក្រហើយរយៈពេលមួយម៉ោងក្រោយ ទើបកងកម្លាំងរបស់អាហ្គានីស្ថានបានទទួលដំណឹងនេះ ដោយខ្លួនឯង។

គួរឲ្យដឹងដែរថាមិនត្រឹមតែជាមូលដ្ឋានទ័ព Bagram ក៏ជាទីតាំងសម្រាប់ឃុំខ្លួនអ្នកទោសផងដែរដែលក្នុងនោះក្រុមអ្នកទោសតាលីបង់ប្រមាណជា ៥០០០នាក់កំពុងមានវត្តមាននៅទីនេះនៅឡើយ៕ ប្រែសម្រួល៖ស៊ុនលី


បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top