បាងកក៖ យោងតាមការសិក្សាថ្មីមួយ ដោយប្រើរូបភាពផ្កាយរណបបានបង្ហាញថា ទំហំដ៏ធំនៃដីជិតដល់កម្រិតទឹកសមុទ្រ នៅទូទាំងតំបន់អាស៊ីអាគ្នេយ៍ ជាងអ្វីដែលបានដឹងពីមុន ដែលបង្ហាញពីគ្រោះថ្នាក់ទឹកជំនន់ ដែលមនុស្សរាប់លាននាក់ប្រឈមមុខ។
នៅតាមបណ្តាប្រទេសតំបន់ ទាបងាយរងគ្រោះនឹង ការកើនឡើងកម្ពស់ទឹកសមុទ្រ និងងាយនឹងលិចទឹក ដោយសារទឹកជំនន់ដូចជាឥណ្ឌូនេស៊ី ថៃ វៀតណាម និងហ្វីលីពីន វាមានន័យថាប្រជាជនកាន់តែច្រើន នឹងប្រឈមមុខនឹងព្រឹត្តិការណ៍ កម្រិតទឹកសមុទ្រប្រចាំឆ្នាំ ដែលកាន់តែអាក្រក់ទៅៗ ដោយសារតែបំរ៉ែបំរួលអាកាសធាតុ។
ការវាយតម្លៃ និងការប៉ាន់ស្មានហានិភ័យ ទឹកជំនន់នៅតាមឆ្នេរសមុទ្រកន្លងមក ត្រូវបានកាត់បន្ថយដោយកង្វះភាពត្រឹមត្រូវ នៅក្នុងទិន្នន័យរ៉ាដារផ្កាយរណប ដែលវាស់កម្រិតកម្ពស់ដី ធៀបនឹងកម្ពស់ទឹកសមុទ្រ។
ទោះយ៉ាងណាអ្នកស្រាវជ្រាវមកពីវិទ្យាស្ថានស្រាវជ្រាវ ដែលមានមូលដ្ឋាននៅហូឡង់ អាចអនុវត្តគំរូលើកដំបូងជាសកល ដោយប្រើប្រាស់ទិន្នន័យពន្លឺរណប និងការរាវរកផ្កាយរណប (LiDAR) ដែលផ្តល់នូវរូបភាពត្រឹមត្រូវជាងមុន។
លោក Aljosja Hooijer សហអ្នកនិពន្ធបានលើកឡើងថា“ គំរូកម្ពស់ខ្ពស់បំផុត ដែលមានស្រាប់នៅក្នុងតំបន់ និងជាសកល គឺផ្អែកលើទិន្នន័យរ៉ាដា ដែលមិនអាចជ្រាបចូលទៅក្នុងរុក្ខជាតិ បានយ៉ាងពេញលេញ ហើយដូច្នេះវាផ្តល់នូវកម្ពស់ដី ដែលជារឿយៗខ្ពស់ពេកមួយ ឬច្រើនម៉ែត្រ” នេះបើយោងតាមរបាយការណ៍ ដែលត្រូវបានបោះពុម្ពផ្សាយនៅក្នុងទិនានុប្បវត្តិ ទំនាក់ទំនងធម្មជាតិនៅចុងខែមិថុនា៕
ដោយ ឈូក បូរ៉ា
