ឡុងដ៌៖ យោងតាមតួលេខផ្លូវការបានឲ្យដឹងថា ប្រទេសអង់គ្លេស បានរាយការណ៍ថា មានករណីឆ្លងជំងឺកូវីដ-១៩ រហូតដល់ ២៨,៧៧៣ ករណី ក្នុងរយៈពេល ២៤ ម៉ោងចុងក្រោយ ដែលជាការកើនឡើងប្រចាំថ្ងៃខ្ពស់បំផុត ចាប់តាំងពីចុងខែមករា។ ចំនួនករណីឆ្លងសរុបក្នុងប្រទេសនេះ មានចំនួន ៤,៩៥៨,៨៦៨ ករណី។
ប្រទេសនេះក៏បានកត់ត្រាការស្លាប់ទាក់ទងនឹងមេរោគឆ្លងចំនួន ៣៧ នាក់ផ្សេងទៀត។ ចំនួនសរុបនៃការស្លាប់ទាក់ទងនឹងជំងឺឆ្លងនៅក្នុងប្រទេសអង់គ្លេសឥឡូវនេះ មានចំនួន ១២៨,២៦៨នាក់ ។ តួលេខទាំងនេះរាប់បញ្ចូលតែការស្លាប់របស់មនុស្ស ដែលបានស្លាប់ក្នុងរយៈពេល ២៨ ថ្ងៃនៃការធ្វើតេស្តវិជ្ជមានលើកដំបូងរបស់ពួកគេ។
តួលេខផ្លូវការបានបង្ហាញថា ប្រជាជនជាង ៤៥,៤ លាននាក់នៅចក្រភពអង់គ្លេស បានទទួលវ៉ាក់សាំងការពារជំងឺកូវីដ-១៩ ហើយមនុស្សជាង ៣៣,៨ លាននាក់បានទទួលថ្នាំចំនួនពីរដូសពេញលេញ។
កាលពីព្រឹកថ្ងៃអង្គាររដ្ឋមន្រ្តីក្រសួងសុខាភិបាលអង់គ្លេសលោក Sajid Javid បានលើកឡើងថាចាប់ពីថ្ងៃទី១៦ ខែសីហា ប្រជាជនអង់គ្លេស ដែលបានទទួលថ្នាំចំនួនពីរដូស នឹងមិនចាំបាច់ធ្វើច័តាឡីស័កទៀតទេ ប្រសិនបើពួកគេទាក់ទងជាមួយនរណាម្នាក់ ដែលបានធ្វើតេស្តវិជ្ជមានចំពោះជំងឺកូវីដ- ១៩ ។
លោកបានប្រាប់ថា ប្រសិនបើនរណាម្នាក់ចាក់ដូសលើកទី ២ របស់ពួកគេមុន ឬក្រោយថ្ងៃទី១៦ ខែសីហា ពួកគេត្រូវរង់ចាំរហូតដល់ពីរសប្តាហ៍បន្ទាប់ពីពួកគេទទួលបានថ្នាំទី ២ ដើម្បីទទួលបានអត្ថប្រយោជន៍ពីសេរីភាពថ្មី ដូច្នេះវ៉ាក់សាំងមានពេលវេលា ដើម្បីបង្កើតការការពា រដែលអាចធ្វើទៅបាន។
ទិន្នន័យចុងក្រោយពីសុខភាពសាធារណៈអង់គ្លេស បានបង្ហាញថា កម្មវិធីចាក់វ៉ាក់សាំងរបស់ចក្រភពអង់គ្លេស បានជួយសង្គ្រោះជីវិតមនុស្សជាង ២៧,០០០ នាក់ និងបានការពារមនុស្សជាង ៧ លាននាក់ពីការទទួលបានការការពារជំងឺកូវីដ-១៩ ។ វ៉ាក់សាំងជំងឺកូវីដ- ១៩ អាចកាត់បន្ថយការឆ្លងរោគតាមរោគសញ្ញាជិត ៨០ ភាគរយ៕ដោយ ឈូក បូរ៉ា
