ព័ត៌មានអន្តរជាតិ

អារ៉ាប៊ីសាអូឌីត​ និងអូម៉ង់ ព្រមព្រៀងគ្នា ក្នុងការពង្រឹង កិច្ចសហប្រតិបត្តិការសេដ្ឋកិច្ច

រីយ៉ាដ៖ ប្រទេសអារ៉ាប៊ីសាអូឌីត និងប្រទេសអូម៉ង់ កាលពីថ្ងៃចន្ទម្សិលមិញ បានឈានទៅដល់ កិច្ចព្រមព្រៀងគ្នាមួយ ក្នុងការពង្រឹងកិច្ចសហប្រតិបត្តិការ សេដ្ឋកិច្ច រវាងប្រទេសទាំងពីរបន្ថែមទៀត។

នៅក្នុងសេចក្តីថ្លែងការណ៍រួម ដែលត្រូវបានធ្វើឡើង បានបញ្ជាក់ទៀតថា បន្ទាប់ពីកិច្ចប្រជុំរយៈពេល២ថ្ងៃ និងក៏ជាពេលវេលាដំណើរទស្សនកិច្ច របស់ព្រះចៅស៊ុលតង់ នៃប្រទេសអូម៉ង់ Haitham bin Tarik នៅក្នុងប្រទេសអារ៉ាប៊ីសាអូឌីត ផងដែរ។

សេចក្តីថ្លែងការណ៍ដដែល ក៏បានធ្វើការលើកសរសើរខ្លាំង ទៅដល់កិច្ចខំប្រឹងប្រឹង នៃប្រទេសទាំងពីររៀងខ្លួនផងដែរ នៅក្នុងការធ្វើឲ្យមាន សមតុល្យទីផ្សារប្រេង ក្នុងប្រទេសជាសមាជិក និងអង្គការ OPEC ទាំងមូល។

ក្រៅពីនោះប្រទេសទាំងពីរ ក៏បានចុះកិច្ចព្រមព្រៀង ទៅលើកិច្ចសហប្រតិបត្តិការ លើវិស័យផ្សេងទៀត ដូចជាវិស័យថាមពល វិស័យសន្តិសុខ ម្ហូបអាហារ វប្បធម៍កីឡា ព្រមទាំងវិស័យទេសចរណ៍ផងដែរ៕ ប្រែសម្រួល៖ស៊ុនលី

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×