បរទេស៖នៅក្នុងរបាយការណ៍ ការពារជាតិប្រចាំឆ្នាំរបស់ខ្លួន ប្រទេសជប៉ុន បាននិយាយប្រាប់ថា ភាពតានតឹងយោធាដែលកំពុងកើនឡើង ជុំវិញបញ្ហាតៃវ៉ាន់ ក៏ដូចជាការប្រជែងគ្នាផ្នែកសេដ្ឋកិច្ចនិងបច្ចេកវិទ្យា រវាងប្រទេសចិននិងសហរដ្ឋអាមេរិក គម្រាមកំហែងសន្តិភាព និងស្ថិរភាពនៅអាស៊ីបូព៌ា ស្របពេលដែលតុល្យភាពអំណាច ក្នុងតំបន់ផ្លាស់ប្តូរប្រែប្រួល។
នៅក្នុងជំពូកថ្មីស្តីពីកោះតៃវ៉ាន់ របាយការណ៍ប្រចាំឆ្នាំជប៉ុននោះ បាននិយាយយ៉ាងដូច្នេះថា “វាចាំបាច់ណាស់ ដែលយើងត្រូវផ្តោតការយកចិត្តទុកដាក់ចំពោះស្ថានភាព ដែលនឹងមានវិបត្តិខ្លាំងជាងពេលណាៗទាំងអស់ ហើយជាពិសេសនោះ ការប្រកួតប្រជែងគ្នានៅក្នុងវិស័យបច្ចេកវិទ្យា ទំនងជានឹងក្លាយជាតានតឹងខ្លាំងឡើង”។
តាមសេចក្តីរាយការណ៍ បទវិចារណកថាស្តីពីការពារជាតិ ដែលត្រូវបានយល់ព្រមដោយរដ្ឋាភិបាលលោកនាយករដ្ឋមន្ត្រី Yoshihide Suga នៅថ្ងៃអង្គារនេះ ចង្អុលបង្ហាញថា ប្រទេសចិនគឺជាក្តីព្រួយបារម្ភសន្តិសុខជាតិដ៏ចម្បងរបស់ប្រទេសជប៉ុន។
គួរបញ្ជាក់ថា ការបង្កើនសកម្មភាពយោធាថ្មីៗនេះរបស់ទីក្រុងប៉េកាំង នៅជុំវិញកោះតៃវ៉ាន់ បានធ្វើឲ្យទីក្រុងតូក្យូមានក្តីព្រួយបារម្ភ ដោយសារតែកោះនេះស្ថិតនៅជិតនឹងក្រសែកោះអូគីណាវ៉ា នៅភាគខាងលិចបំផុតនៃឧបទ្វីបជប៉ុន៕ប្រែសម្រួល៖ប៉ាង កុង
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
