ព័ត៌មានអន្តរជាតិ

ថ្ងៃនេះប្រេស៊ីល មានអ្នកឆ្លងជំងឺកូវីដ-១៩ រហូតដល់ជាង ១០ម៉ឺននាក់

រីយ៉ូ៖ ប្រទេសប្រេស៊ីល បានរាយការណ៍ករណីឆ្លងថ្មី នៃជំងឺកូវីដ-១៩ ចំនួន ១០៨,៧៣២ ករណី ក្នុងរយៈពេល ២៤ ម៉ោង ដោយបង្កើនចំនួន សរុបកើនឡើងដល់ ១៩,៦៣២,៤៤៣ករណី នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។

ដោយមាន ៦៤,០៥៦ ករណី ត្រូវបានបន្ថែមដោយសារ តែការរាយការណ៍មិនត្រឹមត្រូវពីរដ្ឋ នៅភាគខាងត្បូងនៃ Rio Grande do Sul តួលេខនេះ គឺជាចំនួនខ្ពស់បំផុតទី ២ នៃករណីឆ្លងប្រចាំថ្ងៃថ្មី ចាប់តាំងពីការចាប់ផ្តើមនៃការផ្ទុះឡើង ។

យោងតាមក្រសួងសុខាភិបាលក្នុងរយៈពេល ២៤ ម៉ោងដដែល មនុស្សចំនួន ១,៣២៤ នាក់ទៀតបានស្លាប់ដោយសារជំងឺកូវីដ-១៩ ដែលបានធ្វើឱ្យចំនួនអ្នកស្លាប់ ដោយសារជំងឺរាតត្បាតកើនឡើង ដល់ ៥៤៨,៣៤០ នាក់។

មជ្ឈមណ្ឌលស្រាវជ្រាវវេជ្ជសាស្ត្រ ដែលឧបត្ថម្ភថវិកាដោយរដ្ឋ Fiocruz បានឲ្យដឹងថា ជំងឺរាតត្បាត នៅប្រទេសប្រេស៊ីល បានថយចុះចាប់តាំងពីសប្តាហ៍ ចុងក្រោយនៃខែមិថុនា ដោយមន្ទីរពេទ្យបានងើបឡើងវិញ ពីជំនន់នៃចំនួនអ្នកជំងឺ ដែលត្រូវបានគេមើលឃើញ នៅខែមីនាមេសា និងផ្នែកខ្លះនៃខែមិថុនា។

នៅទីក្រុងសៅប៉ូឡូ អត្រា នៃការកាន់កាប់របស់អង្គភាពថែទាំ ដែលពឹងផ្អែកខ្លាំង បានធ្លាក់ចុះពី ៩២ ភាគរយក្នុងខែមិថុនាមក ៥៨,៣ ភាគរយដែលជាកម្រិតទាបបំផុត នៅឆ្នាំ២០២១។ ប្រទេសនេះបានចាក់វ៉ាក់សាំងបានយ៉ាងពេញលេញចំនួន ៣៦,៥៣៣,១៧០នាក់ ឬ ១៧,២៥ ភាគរយនៃប្រជាជនសរុប៕ដោយ ឈូក បូរ៉ា

To Top
×