ព័ត៌មានអន្តរជាតិ

ថៃ ប្រកាសពីអ្នកស្លាប់ ដោយសារជំងឺកូវីដ១៩ចំនួន ១១៨នាក់ថែមទៀត ក្នុងនោះ មានជនជាតិខ្មែរ ម្នាក់ផងដែរ

បរទេស ៖ ក្រសួងសុខាភិបាល សាធារណៈរបស់ប្រទេសថៃ បានប្រកាសនៅព្រឹកថ្ងៃអង្គារថា ប្រទេសថៃ មានអ្នកស្លាប់ដោយសារជំងឺកូវីដ-១៩ ថ្មីចំនួន ១១៨ នាក់ថែមទៀត និងករណីឆ្លងថ្មីចំនួន ១៤ ១៥០ ករណី ក្នុងរយៈពេល ២៤ ម៉ោងមុន ។

យោងតាមសារព័ត៌មាន Bangkok Post ចេញផ្សាយ នៅថ្ងៃទី២៧ ខែកក្កដា ឆ្នាំ២០២១ បានឱ្យដឹងថា តួលេខថ្មីបានកត់សំគាល់ ពីការធ្លាក់ចុះក្នុងករណីឆ្លងថ្មី ប៉ុន្តែមានការកើនឡើង ចំពោះអ្នកស្លាប់ ។

ផ្ទាំងពាណិជ្ជកម្ម

ករណីឆ្លងថ្មីចំនួន ១៤ ១៥០ ករណី ក្នុងនោះ គឺមាន ១៣ ៩០៥ នាក់ រកឃើញក្នុងចំណោមប្រជាជនទូទៅនិង ២៤៥ នាក់ក្នុងចំណោម អ្នកទោសក្នុងពន្ធនាគារ។

មជ្ឈមណ្ឌលគ្រប់គ្រងស្ថានភាព Covid-19 បានរាយការណ៍ នៅពេលក្រោយថា អ្នកស្លាប់ថ្មីចំនួន ១១៨ នាក់មានអាយុ ២៥-៩៦ ឆ្នាំក្នុងនោះមានជនជាតិថៃចំនួន ១១៥ នាក់ និងមីយ៉ាន់ម៉ាម្នាក់ ជនជាតិខ្មែរម្នាក់ និងជនជាតិឥណ្ឌាម្នាក់៕
ប្រែសម្រួលៈ ណៃ តុលា

To Top