ព័ត៌មានអន្តរជាតិ

សមាជិកសភាអាមេរិក ជំរុញក្រុមហ៊ុនឧបត្ថម្ភរបស់អាមេរិក ដកខ្លួនចេញពីអូឡាំពិក ទីក្រុងប៉េកាំង ឆ្នាំ ២០២២

បរទេស៖ សមាជិកសភាសហរដ្ឋអាមេរិក កាលពីថ្ងៃអង្គារ បានជំរុញក្រុមហ៊ុនឧបត្ថម្ភដកខ្លួន ចេញពីអូឡាំពិកទីក្រុងប៉េកាំង ឆ្នាំ ២០២២ ដោយចោទប្រកាន់ពួកគេ (ក្រុមហ៊ុន) ថា គាំទ្រអ្វីដែលរដ្ឋាភិបាល ទីក្រុងវ៉ាស៊ីនតោន ចាត់ទុកអំពើប្រល័យពូជសាសន៍ នៅក្នុងតំបន់ស៊ីនជាំង របស់ប្រទេសចិន ប៉ុន្តែក្រុមហ៊ុនទាំងនោះបានអះអាងថា ពួកគេមានឥទ្ធិពលតិចតួច។

យោងតាមសារព័ត៌មាន AFP ចេញផ្សាយនៅថ្ងៃទី២៨ ខែកក្កដា ឆ្នាំ២០២១ បានឱ្យដឹងថា នៅក្នុងសវនាការដ៏ក្តៅគគុក ជាញឹកញាប់សមាជិកសភាបានស្តីបន្ទោស តំណាងមកពីសាជីវកម្មធំ ៗ ចំនួន ៥ របស់សហរដ្ឋអាមេរិក ដែលនឹងឧបត្ថម្ភការប្រកួតកីឡា រដូវរងារតាមរយៈភាពជាដៃគូជាមួយ គណៈកម្មាធិការអូឡាំពិកអន្តរជាតិ។

សមាជិកព្រឹទ្ធសភាមកពី គណបក្សប្រជាធិបតេយ្យលោក Jeff Merkley ដែលជាប្រធានគណៈកម្មការ សភាប្រតិបត្តិស្តីពីប្រទេសចិន ដែលដឹកនាំសវនាការនោះ គឺបានចោទប្រកាន់ក្រុមហ៊ុនអាមេរិកថា បានជួយទីក្រុងប៉េកាំង“ ទទួលបានរង្វាន់ជាកិត្យានុភាព និងការឃោសនា” និងបានគូសវាសស្របទៅនឹង ព្រឹត្តិការណ៍អូឡាំពិកទីក្រុងប៊ែកឡាំងឆ្នាំ១៩៣៦ ក្រោមការគ្រប់គ្រងរបស់ហ៊ីត្លែរ។

លោកបាននិយាយថា “គាត់បានធ្វើសកម្មភាពគួរឱ្យរន្ធត់ប្រឆាំង នឹងប្រជាជនរបស់គាត់ហើយ អាក្រក់ជាងនេះគឺត្រូវមក។ ប៉ុន្តែនៅក្នុងស្ថានភាពនេះ វាអាក្រក់ជាងទីក្រុងប៊ែកឡាំងក្នុងឆ្នាំ ១៩៣៦ទៅទៀត ពីព្រោះអំពើប្រល័យពូជសាសន៍ កំពុងតែដំណើរការហើយ ៕

ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top