ព័ត៌មានអន្តរជាតិ

អាមេរិក ដាក់ទណ្ឌកម្មពន្ធនាគារ និងមន្ត្រីអាមេរិក សម្រាប់ការ រំលោភសិទ្ធិមនុស្ស

បរទេស ៖ ក្រសួងរតនាគារសហរដ្ឋអាមេរិក បាននិយាយ នៅថ្ងៃពុធសប្ដាហ៍នេះថា ខ្លួនទើបបានដាក់ទណ្ឌកម្ម លើពន្ធនាគារស៊ីរី ចំនួន៨កន្លែង ដែលមានឧបករណ៍ចារកម្ម របស់ លោកប្រធានាធិបតី ស៊ីរី បាហ្សា អាល់អាសាដ និង មន្ត្រីជាន់ខ្ពស់៥រូប ដែលគ្រប់គ្រងលើទីតាំង មានការរំលោភបំពាន សិទ្ធិមនុស្សកើតឡើង ។

ក្រសួងរតនាគារអាមេរិក ក៏បានដាក់ទណ្ឌកម្មលើក្រុមប្រដាប់អាវុធស៊ីរី hrar al-Sharqiya ដែលធ្វើប្រតិបត្តិការ ក្នុងប្រទេសស៊ីរីភាគខាងជើង សម្រាប់ការរំលោភបំពាន ទៅលើជនស៊ីវិល ក៏ដូចជាលើមេដឹកនាំពីររូប ក្នុងចំណោមមេដឹកនាំ របស់ក្រុមនោះ ។

ការិយាល័យរបស់ប្រធាន ផ្នែកគ្រប់គ្រងទ្រព្យសម្បត្តិបរទេស លោក Andrea Gacki បាននិយាយយ៉ាងដូច្នេះថា “ទណ្ឌកម្មក្នុងពេលបច្ចុប្បន្ននេះ លើកកម្ពស់គណនេយ្យភាពសម្រាប់ការ រំលោភបំពាន ដែលធ្វើឡើងលើប្រជាជន ស៊ីរី និងបដិសេធមិន ឲ្យអ្នកបោកបញ្ឆោតចូល ប្រើប្រព័ន្ធហិរញ្ញវត្ថុអន្តរជាតិ” ។

យោងតាមសេចក្តីរាយការណ៍មួយ ចេញផ្សាយដោយទីភ្នាក់ងារសារព័ត៌មាន Aljazeera នៅថ្ងៃទី២៩ ខែកក្កដា ឆ្នាំ២០២១ បានឲ្យដឹងថា លោកបានបន្តយ៉ាង ដូច្នេះទៀតថា “ចំណាត់ការនេះ បង្ហាញឲ្យឃើញ នូវការប្តេជ្ញាដ៏ខ្លាំងក្លារបស់សហរដ្ឋអាមេរិក ចំពោះការផ្តោតលើការរំលោភ បំពានសិទ្ធិមនុស្ស នៅស៊ីរី ដោយមិនគិតពីជនល្មើសនោះទេ” ៕ ប្រែសម្រួល៖ប៉ាង កុង

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top