Covid-19

ត្រឹម ២៤ម៉ោង វៀតណាម មានករណីឆ្លងជំងឺកូវីដ-១៩ រហូតដល់ជាង ៨៦០០ករណី

ហាណូយ៖ យោងតាម ក្រសួងសុខាភិបាលវៀតណាម បានកត់ត្រាករណីឆ្លងថ្មីនៃជំងឺកូវីដ-១៩ ចំនួន ៨,៦២០ ករណី រួមទាំងការឆ្លងក្នុងស្រុកចំនួន ៨,៥៩៧ ករណី និងករណីនាំចូលចំនួន ២៣ ករណី។

យោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួបានឲ្យដឹងថា ក្រសួងសុខាភិបាលវៀតណាម បានឲ្យដឹងថា ការឆ្លងថ្មីនេះបានធ្វើឱ្យចំនួនសរុបដល់ ១៥៤,៣០៦ ករណី ដែលយ៉ាងហោចណាស់ មានអ្នកស្លាប់ចំនួន ១,៣០៦ នាក់។

ក្នុងចំណោមករណីសហគមន៍ចំនួន ៤,០៥២ករណី ត្រូវបានគេរាយការណ៍នៅភាគកណ្តាល នៃទីក្រុងហូជីមិញ ២,១៧៩ករណី នៅខេត្តប៊ិញឌឿងភាគខាងត្បូងក្បែរនោះ និង ៥៦៩ ករណី នៅខេត្តឡុងអានភាគខាងត្បូង។

រហូតមកដល់ពេលនេះអ្នកជំងឺកូវីដ-១៩ ចំនួន ៤៣,១៥៧ នាក់ បានជាសះស្បើយកើនឡើង ៤,៤២៣ នាក់ពីថ្ងៃសៅរ៍ ខណៈវ៉ាក់សាំងការពារជំងឺកូវីដ-១៩ ចំនួន ៦,២ លានដូស ត្រូវបានផ្តល់ជូនពលរដ្ឋ នៅទូទាំងប្រទេស ។

គិតត្រឹមថ្ងៃអាទិត្យម្សិលមិញនេះវៀតណាម បានចុះបញ្ជីករណីឆ្លងជំងឺកូវីដ ១៩ ក្នុងស្រុកសរុបចំនួន ១៥២,០៤៤ ករណីក្នុងនោះមាន ១៥០,៤៧៤ ករណីត្រូវបានរកឃើញចាប់តាំងពី ការផ្ទុះឡើងចុងក្រោយនៅចុងខែមេសា កន្លងទៅនេះ ៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top