ព័ត៌មានអន្តរជាតិ

បារាំង រំពឹងទុកថា នឹងអាចទទួលបាន ភ្ញៀវទេសចរណ៍ថ្មីដល់ទៅ៥០ លាននាក់ នៅក្នុងឆ្នាំ២០២១ នេះ

បរទេស៖ កាលពីថ្ងៃអាទិត្យម្សិលមិញនេះរដ្ឋមន្ត្រីក្រសួងទេសចរណ៍ របស់ប្រទេសបារាំងលោក Jean-Baptiste Lemoyne បានអះអាងថាបារាំងនឹងរំពឹងទុកថាអាចទទួលស្វាគមន៍ភ្ញៀវទេសចរណ៍ ប្រមាណជា៥០លាននាក់ នៅត្រឹមឆ្នាំ២០២១នេះ ឬស្ថិតនៅក្នុងអត្រាកើនឡើងប្រមាណជា៤៣ភាគរយធៀបទៅនឹង តួលេខកាលពីឆ្នាំទៅ។

លោក Lemoyne បានថ្លែងប្រាប់ទៅកាន់ក្រុមអ្នកកាសែត Le Journal de Dimanche ថា៖ឆ្នាំនេះយើងសង្ឃឹមថានឹងអាចទទួល បានភ្ញៀវទេសចរណ៍ បរទេសយ៉ាងហោចណាស់ ៥០ លាននាក់ ធៀបទៅនឹង ចំនួនភ្ញៀវទេសចរណ៍នៅក្នុងឆ្នាំ២០២០ ត្រឹមតែ ៣៥លាននាក់ និងប្រមាណជា៩០លាននាក់កាលពីឆ្នាំ២០១៩។

លោកបន្តថាភ្ញៀវទេសចរណ៍ ភាគច្រើនដែលបាន ធ្វើដំណើរចូលមកដល់ប្រទេសបារាំង ភាគច្រើនគឺមានប្រភពមកពីតំបន់អ៊ឺរ៉ុប ដូចជាអាល្លឺម៉ង់ច្រើនជាងគេបន្ទាប់មក ហូឡង់ប៊ែលហ្ស៊ិក ព្រមទាំងអង់គ្លេសផងដែរ។

ប៉ុន្តែលោករដ្ឋមន្ត្រីបានអះអាងថា ភ្ញៀវទេសចរណ៍បរទេស ដែលមានប្រភពមកពីទីផ្សារអាមេរិកនិងនៅអាស៊ី នឹងមិនអាចងើបឡើងវិញ បានភ្លាមនោះទេរហូតទៅដល់ឆ្នាំក្រោយ៕

ប្រែសម្រួល៖ស៊ុនលី

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top