ព័ត៌មានអន្តរជាតិ

ថ្ងៃនេះប្រេស៊ីល មានអ្នកស្លាប់ ដោយសារជំងឺកូវីដ១៩ ជាង ១២០០នាក់ សរុបកើនឡើង ដល់ជាង ៥៦ម៉ឺននាក់

រីយ៉ូ ៖ ប្រភពពីក្រសួងសុខាភិបាល បានឲ្យដឹងថា ប្រទេសប្រេស៊ីល បានចុះបញ្ជីចំនួនអ្នកស្លាប់ ដោយសារជំងឺកូវីដ១៩ ចំនួន ១,២១១ នាក់បន្ថែមទៀត ក្នុងរយៈពេល ២៤ ម៉ោងចុងក្រោយនេះ ដែលធ្វើឱ្យចំនួនអ្នកស្លាប់ នៅទូទាំងប្រទេសកើនឡើង ដល់ ៥៦៤,៧៧៣ នាក់។

យោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ បានឲ្យដឹងថា ទន្ទឹមនឹងនេះករណីឆ្លង សរុបបានកើនឡើង ដល់ ២០,២១២,៦៤២ករណី បន្ទាប់ពីករណីឆ្លងថ្មីចំនួន ៣៤,៨៨៥ករណី ត្រូវបានរកឃើញក្នុង រយៈពេល ២៤ម៉ោងចុងក្រោយនេះ ។

បច្ចុប្បន្នប្រេស៊ីល មានចំនួនអ្នកស្លាប់ ដោយសារជំងឺរាតត្បាត ខ្ពស់បំផុតលំដាប់ទី ២ នៅលើពិភពលោក បន្ទាប់ពីសហរដ្ឋអាមេរិក និងជាប្រទេស ដែលមានករណីឆ្លងធំជាងគេ ទី៣ បន្ទាប់ពី សហរដ្ឋអាមេរិក និងឥណ្ឌា។

ក្រសួងសុខាភិបាលប្រេស៊ីលបានឲ្យដឹងថា ប្រទេសអាមេរិកខាងត្បូងមួយនេះ កំពុងជួបប្រទះរលកឆ្លងថ្មី ដែលបានគ្របដណ្ដប់លើមន្ទីរពេទ្យ ស្ទើតែទាំងស្រុង ដោយអ្នកជំងឺកូវីដ-១៩។

រហូតមកដល់ពេលនេះ ប្រជាជនប្រេស៊ីលជាង ១៥៤ លាននាក់នៅក្នុងប្រទេស បានទទួលវ៉ាក់សាំង ការពារជំងឺកូវីដ-១៩ យ៉ាងហោចណាស់មួយដូស ដោយមានមនុស្សជាង ៤៦,១ លាននាក់ បានចាក់វ៉ាក់សាំងពេញលេញ ៕ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top