ព័ត៌មានអន្តរជាតិ

អាល្លឺម៉ង់ និយាយថាមានហេតុការណ៍បាញ់ប្រហារ គ្នាមួយនៅក្នុងអាកាសយានដ្ឋាន ក្រុងកាប៊ុល

បរទេស៖ កងកម្លាំងនៃប្រទេសអាល្លឺម៉ង់ នៅថ្ងៃចន្ទនេះ បានប្រកាសថាមានហេតុការណ៍បាញ់ ប្រហារគ្នាមួយរវាងក្រុមខ្មាន់កាំភ្លើងមិនស្គាល់អត្តសញ្ញា ជាមួយនឹងកងកម្លាំងនៃប្រទេសលោកខាងលិច ព្រមទាំងកងរក្សាសន្តិសុខរបស់ អាហ្គានីស្ថាននៅអាកាសយានដ្ឋានក្រុងកាប៊ុល។

ហេតុការណ៍នេះបានកើតឡើងនៅចំពេលដែលក្រុម ពលរដ្ឋអាហ្គានីស្ថានកំពុងនាំគ្នាសម្រុកចូលទៅកាន់ អាកាសយានដ្ឋានដើម្បីភៀសខ្លួន ចេញពីការដឹកនាំរបស់ក្រុមតាលីបង់ ហើយជាលទ្ធផលកងកម្លាំង រក្សាសន្តិសុខម្នាក់របស់អាហ្គានីស្ថាន ត្រូវបានបាត់បង់ជីវិតនិង៣នាក់ទៀត រងរបួសនៅច្រកទ្វាភាគខាងជើង ដែលកំពុងមានវត្តមានរបស់កងកម្លាំង ចម្រុះរបស់អាមេរិកផងអាល្លឺម៉ង់ផង។

មកដល់ពេលនេះក្រុមកងកម្លាំងយោធារបស់ អង្គការណាតូដែលមានវត្តមាន នៅទីនោះបានបញ្ជាក់ថាហេតុការណ៍នេះ បានវិលត្រឡប់មករកស្ថានភាព ធម្មតាវិញហើយនៅគ្រប់ច្រកទាំងអស់របស់ អាកាសយានដ្ឋាន។

គួររំលឹកដែរថាក្រុមតាលីបង់បានឈាន ទៅដល់ការគ្រប់គ្រងប្រទេស អាហ្គានីស្ថានទាំងមូលនៅកាលពីសប្តាហ៍ មុនក្នុងពេលដែលអាមេរិកបាននាំមុខ គេក្នុងការដកកម្លាំងរបស់ខ្លួន ត្រឡប់ទៅប្រទេសវិញខណៈដែល ប្រធានាធិបតីអាហ្គានីស្ថាន ក៏បានគេចខ្លួនចេញពីប្រទេសរួចទៅហើយ៕

ប្រែសម្រួល៖ស៊ុនលី

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top