ព័ត៌មានអន្តរជាតិ

ក្រុមតាលីបង់ ហាមជនជាតិអាហ្វហ្គានីស្ថានទាំងអស់ ចាកចេញពីប្រទេស លើកលែងតែជនបរទេស

បរទេស៖ ក្រុមតាលីបង់បានហាមឃាត់ ពលរដ្ឋអាហ្វហ្គានីស្ថានទាំងអស់ មិនឱ្យព្យាយាមរត់ចេញពីប្រទេស ពីអាកាសយានដ្ឋានទីក្រុងកាប៊ុលភ្លាមៗ និងបានបញ្ជាឱ្យស្ត្រីស្នាក់នៅក្នុងផ្ទះ បន្ទាប់ពីព្រមានជាថ្មីម្តងទៀត ដល់កងកម្លាំងលោកខាងលិច ឱ្យចាកចេញនៅត្រឹមថ្ងៃទី៣១ ខែសីហា។

យោងតាមសារព័ត៌មាន Daily Mail ចេញផ្សាយកាលពីថ្ងៃទី២៤ ខែសីហា ឆ្នាំ២០២១ បានឱ្យដឹងថា លោក Zabihullah Mujahid ប្រធានអ្នកនាំពាក្យរបស់ ក្រុមអ៊ិស្លាមបាននិយាយនៅក្នុង សន្និសីទសារព័ត៌មាននៅថ្ងៃនេះថា ក្រុមនេះនឹងមិនទទួលយក ការពន្យារពេលណាមួយឡើយ ហើយចាប់ពីពេលនេះតទៅ មានតែជនបរទេស ដែលជាប់គាំងប៉ុណ្ណោះដែលអាច ទៅដល់អាកាសយានដ្ឋាន នៅសប្តាហ៍ខាងមុខនេះ ដើម្បីឡើងយន្តហោះរបស់ណាតូនិង យន្តហោះលោកខាងលិច។

លោកបាននិយាយថា “ផ្លូវទៅកាន់អាកាសយានដ្ឋានទីក្រុងកាប៊ុល ត្រូវបានបិទសម្រាប់អ្នកស្រុក (ជនជាតិអាហ្វហ្គានីស្ថាន) ហើយបើកចំហចំពោះជនបរទេស។ យើងធានាដល់អ្នកស្រុកយ៉ាងច្បាស់ ហើយប្រាប់ពួកគេឱ្យត្រឡប់ ទៅផ្ទះរបស់ពួកគេវិញ។ យើងមិនពេញចិត្តក្នុងការអនុញ្ញាតឱ្យ ជនជាតិអាហ្វហ្គានីស្ថានចាកចេញទេ។

ប្រធានអ្នកនាំពាក្យរបស់ ក្រុមអ៊ិស្លាមរូបនេះបន្ថែមថា ស្ត្រីត្រូវបានគេប្រាប់ឱ្យនៅផ្ទះ ដើម្បីសុវត្ថិភាពផ្ទាល់ខ្លួន របស់ពួកគេដោយនិយាយថា“ បច្ចុប្បន្ននេះវាជាផលប្រយោជន៍ របស់ពួកគេដើម្បីការពារ ការព្យាបាលជំងឺណាមួយ” ៕

ប្រែសម្រួលៈ ណៃ តុលា

To Top