ព័ត៌មានអន្តរជាតិ

រុស្ស៊ី អាចនឹងចុះកិច្ចព្រមព្រៀង​ ជាមួយតួកគី ក្នុងការផ្គត់ផ្គង់ប្រព័ន្ធ ស្ទាក់មីស៊ីល S-400

ម៉ូស្គូ ៖ ទីភ្នាក់ងារព័ត៌មានចិនស៊ិនហួ បានចុះផ្សាយ នៅថ្ងៃទី២៣ ខែសីហា ឆ្នាំ២០២១ថា Rosoboronexport sជាអ្នកនំា ចេញអាវុធគ្រប់គ្រង ដោយរដ្ឋ នៃប្រទេសរុស្ស៊ី បានឲ្យដឹងនៅថ្ងៃចន្ទនេះថា ខ្លួនអាចនឹងចុះកិច្ចសន្យា ក្នុងពេលដ៏ខ្លីខាងមុខនេះ ដែលជាកិច្ចសន្យាថ្មីមួយ ជាប្រទេសតួកគី ទៅលើការផ្គត់ផ្គង់ប្រព័ន្ធស្ទាក់ចាប់មីស៊ីល ជាច្រើនគ្រឿង ដែលមានឈ្មោះថា S-400 ។

លោក Alexander Mikheev អគ្គនាយក Rosoboronexport បានលើកឡើងនៅក្នុងវេទិកាបច្ចេកវិទ្យាយោធាអន្តរជាតិ ថា “យោធាឆ្នាំ២០២១” ដោយមិនមានអ្វីលម្អិតនៃកិច្ចសន្យានោះទេ ។“ការពិគ្រោះយោបល់គ្នាកំពុងតែបន្ត។ ខ្ញុំជឿជាក់ថា ពួកគេបានឈានដល់ដំណាក់កាលចុងក្រោយ” ។
គួររំលឹកថា រុស្ស៊ី និងតួកគី បានចុះហត្ថលេខាលើកិច្ចព្រមព្រៀងដំបូងរបស់ពួកគេលើប្រព័ន្ធ S-400 នៅក្នុងឆ្នាំ២០១៧ ហើយតួកគី បានទទួលលើកដំបូងនៅក្នុងខែកក្កដា ឆ្នាំ២០១៩ ។

តួកគីគឺជារដ្ឋសមាជិកដំបូង របស់អង្គការសន្ធិសញ្ញាអាត្លង់ទិកខាងជើង ហៅកាត់(NATO) ដែលបានទិញប្រព័ន្ធ S-400 ដែលនាំឱ្យមានការមិនពេញចិត្ត នៅផ្នែកខ្លះសម្រាប់សហរដ្ឋអាមេរិក។

ក្រុងវ៉ាស៊ីនតោន បានអះអាងថា អាវុធរុស្ស៊ី នឹងមិនត្រូវគ្នានឹងប្រព័ន្ធ NATO ឡើយ ហើយអាចនឹងប្រមូលព័ត៌មានយោធាសម្ងាត់សម្រាប់ក្រុងម៉ូស្គូ ៕
ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×