ព័ត៌មានអន្តរជាតិ

អាមេរិក និងឥណ្ឌាចុះហត្ថលេខាជាង២០ លានដុល្លារ ដើម្បីអភិវឌ្ឍយន្តហោះប្រតិកម្ម

បរទេស៖កងទ័ពជើងអាកាសសហរដ្ឋអាមេរិក តាមសេចក្តីរាយការណ៍ បានប្រកាសនៅថ្ងៃសុក្រសប្ដាហ៍នេះថា សហរដ្ឋអាមេរិកនិងប្រទេសឥណ្ឌា បានចុះហត្ថលេខាលើកិច្ចព្រមព្រៀងមួយ ដើម្បីរួមគ្នាអភិវឌ្ឍយន្តហោះគ្មានមនុស្សបើក ដែលដំណើរការចេញពីអាកាស។

កិច្ចព្រមព្រៀងនោះ គឺជាគម្រោងដំបូងដែលគ្រោងធ្វើឡើង ក្រោមគោលគំនិតបច្ចេកវិទ្យាការពារជាតិនិងជំនួញរបស់អាមេរិកនិងឥណ្ឌា ជាគោលគំនិតដែលគេបង្កើតឡើង ដើម្បីលើកកម្ពស់ការផ្លាស់ប្តូរបច្ចេកវិទ្យាគ្នា ការស្រាវជ្រាវរួមគ្នា និងសហអភិវឌ្ឍន៍លើប្រព័ន្ធការពារជាតិ។

នៅក្នុងសេចក្តីថ្លែងការណ៍មួយ អនុលេខាធិការកងទ័ពអាកាស លោក Kelli L. Seybolt បានមានប្រសាសន៍ថា “សហរដ្ឋអាមេរិកនិងប្រទេសឥណ្ឌា មានទស្សនវិស័យរួមគ្នា ចំពោះសេរីភាពនិងភាពបើកចំហនៃតំបន់ឥណ្ឌូ-ប៉ាស៊ីហ្វិក”។

តាមសេចក្តីរាយការណ៍មួយ ដែលចេញផ្សាយដោយទីភ្នាក់ងារសារព័ត៌មាន UPI បានឲ្យដឹងថា លោក Kelli L. Seybolt បានមានប្រសាសាន៍យ៉ាងដូច្នេះបន្តថា “កិច្ចព្រមព្រៀងសហអភិវឌ្ឍន៍នេះ ជាការបន្ថែមឋានៈរបស់ប្រទេសឥណ្ឌា ជាដៃគូការពារជាតិចម្បង និងកសាងសហប្រតិបត្តិការការពារជាតិដ៏រឹងមាំ ដែលមានស្រាប់របស់យើង”៕ប្រែសម្រួល៖ប៉ាង កុង


បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top