ព័ត៌មានអន្តរជាតិ

កូរ៉េខាងត្បូង ទទួលជោគជ័យការធ្វើតេស្ដមីស៊ីល ICBM ចេញពីនាវាមុជទឹក ក្លាយជាប្រទេសទី៨ លើពិភពលោក ដែលមានអាវុធនេះ

សេអ៊ូល៖ ប្រភពបានឲ្យដឹងនៅថ្ងៃអង្គារនេះថា ប្រទេសកូរ៉េខាងត្បូង បានបាញ់សាកល្បងដោយ ជោគជ័យនូវមីស៊ីលផ្លោងឆ្លងទ្វីប (SLBM) ពីនាវាមុជទឹកថ្មី ដើម្បីក្លាយជាប្រទេសទី៨ របស់ពិភពលោក ដែលមានអាវុធនេះ។

ទីភ្នាក់ងារអភិវឌ្ឍន៍ការពារជាតិ (ADD) បានធ្វើតេស្តបាញ់មីស៊ីល SLBM ចេញពីនាវាមុជទឹក Dosan Ahn Chang-ho កាលពីសប្តាហ៍មុន បន្ទាប់ពីការបាញ់បង្ហោះដោយ ជោគជ័យពីក្រោមទឹកកាលពីខែមុន នេះបើយោងតាមប្រភពយោធា។

នាវាមុជទឹកប្រភេទទម្ងន់ ៣,០០០ តោនដែលត្រូវបានអភិវឌ្ឍ ក្នុងស្រុកត្រូវបានបំពាក់ ដោយបំពង់បាញ់បញ្ឈរចំនួន ៦ សម្រាប់មីស៊ីល ICBM នេះបើយោងតាមការចុះផ្សាយ របស់ទីភ្នាក់ងារសារព័ត៌មានយុនហាប់។

ប្រភពបានឲ្យដឹងទៀតថា បន្ទាប់ពីការធ្វើតេស្តបន្ថែមមួយជុំ SLBM នឹងត្រូវផលិតយ៉ាងច្រើន សម្រាប់ដាក់ពង្រាយ។

មីស៊ីល SLBM ត្រូវបានគេជឿថា ជាប្រភេទមីស៊ីលផ្លោងរបស់ប្រទេស Hyunmoo-2B ដែលមានរយៈចម្ងាយ ហោះហើរប្រហែល ៥០០ គីឡូម៉ែត្រហើយនឹងបំពាក់ ដោយក្បាលគ្រាប់ធម្មតា។ មីស៊ីលនេះត្រូវបានគេរាយការណ៍ថា មានឈ្មោះ Hyunmoo 4-4 ។

គួរបញ្ជាក់ថា ប្រទេសកូរ៉េខាងត្បូង បានក្លាយជាប្រទេសទី ៨ នៅលើពិភពលោក ដែលអភិវឌ្ឍមីស៊ីលប្រភេទ SLBM និង SLBM បន្ទាប់ពីសហរដ្ឋអាមេរិក រុស្ស៊ី អង់គ្លេស បារាំង ឥណ្ឌា ចិន និងកូរ៉េខាងជើង ៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top